2 SAMUEL 21:7 - Sura' Madatu

⁷ Apa tang namasean penaa datu tu Mefiboset, anakna Yonatan, anakna Saul, belanna mangkamo umposumpa PUANG, tu unnarra’i sola duai iamotu Daud na Yonatan, anakna Saul.

2 SAMUEL 21:7 ပူးပေါင်းရင်းမြစ်များ

2 SAMUEL 16:4

Nakuami datu lako Ziba: Mintu’na tu apanna Mefiboset, iko nasangmo umpoapai. Nakuami Ziba: tukkuna’ mengkaola lako datu; na puangkumora datu umpatiroanna’ kamaturu-turuanna.

2 SAMUEL 19:25

Iatonna saemo untammui datu dio Yerusalem, ma’kadami datu lako nakua: Ma’apai ammu tang undi unnula’na’, Mefiboset?

2 SAMUEL 4:4

Iatu Yonatan, anakna Saul, den anakna misa’ pia muane, kupi’ dua tu lentekna. Limangtaunmo dadinna tonna sae kareba dio mai Yizreel tu diona Saul sia Yonatan; naangka’mi to mantaranakna anna mallai, apa belanna sasa-sasa mallai, tobangmi anna keppa. Disanga Mefiboset.

2 SAMUEL 9:1

Ma’kadami tu Daud nakua: Denparaka torro tu bati’na Saul, angku pogau’ kamasokanan lako kalena belanna Yonatan?

2 SAMUEL 9:10

La mukarangan tu pa’lak iato, iko sia anakmu muane sia mintu’ kaunammu, sia la muposara’ tu burana, anna kandei anakna puangmu. Iatu Mefiboset, anakna puangmu, la tontongna’ kumande sola. Iatu Ziba sangpulo lima tu anakna muane, anna duangpulo tu kaunanna.

2 SAMUEL 9:6

Saemi tu Mefiboset, anakna Yonatan, anakna Saul mennolo lako Daud, sia tukku rokko padang anna menomba. Nakuami Daud: E Mefiboset. Mebalimi nakua: Io, Puang.

2 SAMUEL 9:7

Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

TOMANGADA’ 8:2

Palan penaai tu parentana datu, tu belanna iamora tu sumpa mangka muposumpa ussa’bu’ sanganNa Puang Matua.

1 SAMUEL 18:3

Sibassemi Yonatan tu Daud, belanna nakamasei susi kalena.

1 SAMUEL 20:12

Nakuami Yonatan lako Daud: Umpalaona’ sumpa tete dio sanganNa PUANG, Kapenombanna to Israel, manassa la kupekutanan lako ambe’ku masiang ba’tu duangbongi agi-agi attu susite; ianna pomelonai Daud, tang la ussua bunira’ka tau sae umparampoangko tu iannato?

1 SAMUEL 20:15

Da duka mupasikalangkai kamarurusammu tu bati’ku, moi anna attu ia dukato, ke Namangsanni PUANG tu mintu’ ualinna Daud lan mai te lino.

1 SAMUEL 20:17

Napalaku Yonatan, kumua naumpalao sumpa tu Daud umposumpa pa’kaboro’na Daud lako kalena, belanna lantuk tongan penaanna ungkamasei.

1 SAMUEL 20:42

Nakuami tu Yonatan lako Daud: Male marampa’moko, belanna manassa mangka tasibassei tete dio sanganNa PUANG, kumua: Na PUANGmora lan alla’na bati’ku sia bati’mu tontong sae lakona.

1 SAMUEL 20:8

Pa’petiroanni tu kamarurusammu lako taummu, belanna mangkamoki’ sibasse dio oloNa PUANG. Iake denni kakelokangku, iko bangmo umpateina’. Da’iomito musolanna’ lako ambe’mu.

1 SAMUEL 23:18

Sibassemi sola duai dio oloNa PUANG anna torro tu Daud lan Koresa, nasule tu Yonatan lako banuanna.

1 SAMUEL 24:22

Iamoto palaoko sumpa lako kaleku totemo tete dio sanganNa PUANG, kumua tae’ mula ussabu’i tu bati’ku sia tae’ mula umpa’dei tu sangangku dio mai sangdadiangku.