2 SAMUEL 21:21 - Sura' Madatu

²¹ Natapa’ tu to Israel, apa napatei Yonatan, anakna Simea, kakanna Daud.

2 SAMUEL 21:21 ပူးပေါင်းရင်းမြစ်များ

2 SAMUEL 13:3

Apa iatu Amnon den sangmanena misa’, disanga Yonadab, anakna Simea, kakanna Daud; iatu Yonadab misa’ tau tarru’ malute.

2 SAMUEL 21:20

Sia den pole’omi kasirarian dio Gat; den misa’ muane dio tu tarru’ malangka’ sia iatu mai tangkena rundun siannanan tu rakka’na patomali, mintu’na duangpulo nna’pa’; tau iato tarukna Rafa.

2 SAMUEL 21:22

Iatu tau a’pa’ iamo tarukna Rafa dio Gat; matemo tu tau iato mai napatei Daud sola mintu’ surodadunna.

2 DATU 19:13

Umbamira tu datu Hamat sia datu Arpad, sia datu tondok Sefarwaim, sia Hena sia Iwa?

1 OSSORANNA DATU 2:13

Isai undadian Eliab, pa’bunga’na, Abinadab, tu ma’penduanna, Simea, tu ma’pentallunna,

1 OSSORANNA DATU 27:32

Iatu Yonatan, pa’amberanna Daud, iamo pa’bisara, misa’ to matarru’ sia to umpoissan sura’-sura’; na Yehiel, anakna Hakhmoni, ungkampai anakna muane datu.

1 SAMUEL 16:9

Nasuaomi Isai tu Syama lendu’, apa nakua Samuel: Tangia dukate tu Natonno’ PUANG.

1 SAMUEL 17:10

Sia nakuapa tu to Filistin iato: Allo iate kuape tu mintu’ tuntunan surodadu to Israel: Pamaiammo’ misa’ muane angku situnggaran sirari.

1 SAMUEL 17:3

Bendanmi tu to Filistin dao tanete sambalinna lu na to Israel dao tanete indena mai, napetangngai tu lombok iato.

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.