2 SAMUEL 21:2 - Sura' Madatu

² Natambaimi datu tu to Gibeon anna ma’kada lako kalena. – Iatu to Gibeon tae’ nasangbilangan to Israel, sangadinna sangbilangan tu to Amori disesannapa; moi namangkamo sibasse sia sisumpa to Israel tu tau iato mai, apa undaka’ lalan tu Saul la ussanggangi tu tau iato mai, belanna kamatutturanna tu la napomelona to Israel sia to Yehuda –.

2 SAMUEL 21:2 ပူးပေါင်းရင်းမြစ်များ

KADADIAN 15:16

Iatu bati’ ma’patang papa’mu la sule indete, belanna tae’pa nasundun langngan lolokna tu kakadakeanna to Amori.

2 SAMUEL 24:1

Re’dek pole’omi ara’Na tu PUANG lako to Israel sia Nasarrang tu Daud la umpogau’i tu apa la naposanggang to Israel. Nakua: Maleko unnia’i tu to Israel sia to Yehuda.

2 DATU 10:16

Nakuami Yehu: Maimokomi tamale sola ammu tiroi tu kamatutturangku umposara’i tu diona PUANG. Iamoto nasuai tu tau iato mai kendek langngan karetana.

2 DATU 10:31

Apa tang ponno penaanna tu Yehu ungkaritutui Sukaran alukNa PUANG, Kapenombanna to Israel, belanna tae’ naboko’i tu kasalanna Yerobeam, tu napa’pesuan lako to Israel umpogau’i.

1 OSSORANNA DATU 1:14

sia iatu to Yebusi sia to Amori sia to Girgasi

YOHANES 16:2

La natassu’ikomi lan mai banua pa’kombongan. Ontongpi la sae tu attunna, to kumua minda-minda tu umpateikomi la nasanga napopenomba langngan Puang Matua.

ROMA 10:2

Belanna aku ungkatottonganni kumua mangu’gu lu lako Puang Matua, apa tae’ nasisola kapaissanan.

GALATIA 4:17

Napengkullei tongan tau iato unnala penaammi, apa tae’ nalantuk, sangadinna la morai ussarakkikomi, kumua ammi birisan umpengkaolai.

PA’TOLE 7:16

La mutallanan tu mintu’ bangsa, tu la Nasorongan PUANG, Kapenombammu, lako kalemu; tae’ mula ungkamasei sia tae’ mula umpenombai deatanna, belanna iamoto tu la dadi poya lako kalemu.

1 SAMUEL 14:44

Nakuami Saul: La Nasanggangina’ Puang Matua, sia la Narangngannipa, ke tae’i mudipatei, Yonatan.