2 SAMUEL 21:16 - Sura' Madatu

¹⁶ Denmi dio tu Yisbi-Benob, tarukna Rafa –, iatu magasanna dokena talluratu’ sikele’ tambaga anna ma’bayu kararran bassi ba’ru – la morai umpatei Daud.

2 SAMUEL 21:16 ပူးပေါင်းရင်းမြစ်များ

KADADIAN 14:5

Iatonna taun ma’pessangpulo a’pa’ saemi tu datu Kedorlaomer sola mintu’ tu datu nasiban, anna taloi tu to Refaim dio tondok Asyterot-Karnaim sia to Zuzim dio tondok Ham, sia to Emim dio Syawe-Kiryataim.

KADADIAN 6:4

Attu iato den tu tau lan lino kalando kapua naundinnato, tonna rampeimi anak Puang Matua tu baine bati’ tolino, napadadiammi bati’: iamote tu lalong sia kalelean tu sanganna tonna lino dolo.

2 SAMUEL 21:18

Undinnato den pole’omi misa’ kasirarian lako to Filistin dio Gob; attu iato napateimi Sibkhai to Husati, tu Saf, tarukna Rafa.

2 SAMUEL 21:20

Sia den pole’omi kasirarian dio Gat; den misa’ muane dio tu tarru’ malangka’ sia iatu mai tangkena rundun siannanan tu rakka’na patomali, mintu’na duangpulo nna’pa’; tau iato tarukna Rafa.

2 SAMUEL 21:22

Iatu tau a’pa’ iamo tarukna Rafa dio Gat; matemo tu tau iato mai napatei Daud sola mintu’ surodadunna.

2 SAMUEL 5:18

Saemi tu to Filistin anna sikarangan dio rante Refaim.

KADIBILANGAN 13:22

Iatonna ke’de’mo tu tau unnola Padang lo’na lu, rampomi lako Hebron; inde to dio nanii ma’tondok tu bati’na Enak, iamotu Ahiman, Sesai na Talmai. Iatu Hebron pitung taunmo dolona dibangun namane Soan dio Mesir.

KADIBILANGAN 13:28

Apa iatu bangsa umpa’tondokki tondok iato matoto’ sia iatu mai kotana ditambakuku sia mandu kapua, sia kitiro duka dio tu mai bati’na Enak.

PA’TOLE 1:28

Umbara la takua kendek langngan? Napabonnongmo siulu’ta tu penaanta nakua: Iatu tau dio mandu kapua sia malangka’ na kita, iatu mai kota kapua sia ditambakuku malangka’ langngan langi’, sia tatiro duka dio tu to Enak.

PA’TOLE 2:10

– Iatu to Emim iamo umpa’tondokki dolona tu tondok iato, misa’ bangsa kapua sia marapuan, malangka’ susito Enak.

PA’TOLE 2:11

Ia duka tu tau iato disanga to Refaim, susito Enak, apa nasangai to Moab tu tau iato to Emim.

PA’TOLE 2:21

misa’ bangsa kapua sia marapuan, malangka’ susito Enak, apa Naula’mo PUANG sia Nasanggang tu tau iato, naurungan naalamo to Amon tu lili’na napoapai, anna ma’tondok dio ussondai tu tau iato;

PA’TOLE 3:11

Ia manna tu Og, datu Basan, tu to Refaim tampakna torro; manassa iatu mammaranna mammaran bassi; inang den dio Raba to Amon. Iatu kalandona kasera siku na iatu kalua’na a’pa’ siku situru’ suka’ siku biasa.

PA’TOLE 9:2

misa’ bangsa kapua sia malangka’, iamotu to Enak, tu mutandai tongan sia murangi tu karebanna, kumua: mindara unnattai siea tu to Enak?

YOSUA 11:22

Moi misa’ tu to Enak tae’ bangmo torro lan lu tondok Israel, sangadinna dio mannamo Gaza sia dio Gat sia dio Asdod nanii torro.

YOSUA 15:14

Inde to dio mai nanii Kaleb urrambai tu to Enak sola tallui, iamotu Sesai, Ahiman na Talmai, anakna muane Enak.

1 SAMUEL 17:7

Iatu pasoan dokena susi tandaan to ma’tannun sia iatu mata dokena annan ratu’ sikele’ bassi magasanna; sia den misa’ to ma’baa balulang dolo lumingka dio tingayona.