2 SAMUEL 21:10 - Sura' Madatu

¹⁰ Naalami Rizpa tu sampin karung nasamboanni kalena dao buntu batu randuk dio mai bunga’na pedalle sisikan sae lako nato’doinna uran dao mai langi’; tang naeloran tu tau iato mai narandan manuk-manuk dao langi’ ke allona sia olo’-olo’ masuru ke bonginna.

2 SAMUEL 21:10 ပူးပေါင်းရင်းမြစ်များ

KADADIAN 40:19

Tallung allopi naangka’i Firaun tu ulummi, anna toke’i tu batang kalemi dio to’ kayu namintu’ manuk-mauk la sae ungkandei tu duku’mi!

2 SAMUEL 21:11

Naparampomi tau lako Daud tu penggauranna Rizpa, anakna Aya, gundi’na Saul.

2 SAMUEL 3:7

Iato dolona den tu gundi’na Saul, disanga Rizpa, anakna Aya; ma’kadami (Ishboset) lako Abner, nakua: Ma’apai ammu sangampa’ tu gundi’na ambe’ku?

1 DATU 21:27

Iatonna rangimi Ahab tu mintu’ kada iate, nase’bu-se’bumi tu tamangkalena, anna potamangkale karoro’, sia ma’puasa; ondongpi umbambangan kalena mennammu’ karoro’ sia napela’-pela’ lumingka.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEHEZKIEL 39:4

La tibambangko mate dao buntunna Israel, iko sola mintu’ bangsa tu musolan: la Kupakandeiko langkan, iamotu manuk-manuk ma’rupa-rupa pani’na, sia olo’-olo’ dio lu padang.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

YOËL 1:18

A’a, tumbai sarrona tu mintu’ patuoan! Mintu’ tuntunan sapi male-male bang, belanna tae’mo padang kariuanna; sia ia duka tu mintu’ tuntunan domba mandasa.

YOËL 2:23

E kamu, mintu’ to Sion, sila’tekangkomi sia parannu-rannukomi tete dio PUANG, Kapenombammi, belanna Nabenkomi to mangada’ lako kamaloloan, ondongpi Napasaeangkomi uran kamban, uran bunga’ sia uran tampak, susi dolona.

ZAKHARIA 10:1

Palakui tu uran dio mai PUANG, ke attunnai uran tampak, PUANG umpadadii tu kila’ mellepa’ sia la Napasaean uran kamban tu tau iato mai, sia Nakamasean mintu’ tau tu tananan maluna dio pa’lakna.

PA’TOLE 11:14

manassa la Kupasaean uran tu tondokmi, ke attunnai, iamotu uran bunga’ sia uran tampak, naurungan ma’dinko urrampun gandungmu sia uai anggoro’ ba’rummu sia minna’mu,

PA’TOLE 21:13

la nalendokan tu tamangkale napake, tonna dirampa, anna torro lan banuammu sipeupu’ bulan, la untangi’i ambe’na sia indo’na; mangkato mumane ma’din tama ussitammuanni sia umpobainei, anna dadi bainemu.

PA’TOLE 21:22

Iake den misa’ tau umpogau’ kasalan tu sipatu dinii umpatei, anna dipatei sia mutoke’ dio lentong,

PA’TOLE 21:23

manassa iatu batang rabukna, tae’ nama’din torro sipeupu’ bongi dio lentong, sangadinna la mulamun bangsiamoto allo iato, belanna iatu tau ditoke’ Natampakki ropu Kapenomban; da mupamaruttakki tu tondok, la Nabenko PUANG, Kapenombammu, la mupotaa mana’.

1 SAMUEL 17:44

Nakuami tu to Filistin iato lako Daud: Maimoko, angku benni manuk-manuk dao lu langi’ sia mintu’ olo’-olo’ dio lu padang tu duku’mu.

1 SAMUEL 17:46

Allo ia dukamote Nasorongko PUANG tama limangku, angku pateiko sia kupoloi tu ulummu, sia allo ia dukate kubenni manuk-manuk dao lu langi’ sia mintu’ olo’-olo’ dio lu padang tu batang rabukna to Filistin, anna issanni mintu’ issinna lino, kumua dio bangsa Israel den tu Puang Matua.