2 SAMUEL 21:1 - Sura' Madatu

¹ Iatonna linona Daud denmi karorian pannang situru’-turu’ bang tallung taun; iamoto anna masambayang tu Daud umpekutananni langngan PUANG. Napebaliimi PUANG Nakua: Iamo tu Saul, sola bati’na kaindanan rara bangsia, belanna mangka umpatei to Gibeon.

2 SAMUEL 21:1 ပူးပေါင်းရင်းမြစ်များ

KADADIAN 12:10

Saemi karorian lan tana iato, anna male rokko Mesir tu Abram, la mempue dio butung to sae, belanna karorian pannang lan tana iato.

KADADIAN 26:1

Saemi tu karorian pannang lan tondok iato, senga’ ia na iatu karorian bunga’na tonna linona Abraham, iamoto anna male tu Ishak lako Abimelekh, datu to Filistin dio Gerar.

KADADIAN 41:57

Pantan saemi dio mai mintu’ tondok tu tau male lako Mesir unnalli gandung lako Yusuf, belanna masang tongan tu ra’pak padang lan mintu’ tondok.

KADADIAN 42:5

Saemi tu mai anakna Israel unnalli gandung sola mintu’ tu to saemo, belanna masang duka tu ra’pak padang dio tana Kanaan.

KADADIAN 43:1

Iatu ra’pak padang tontong bang masang lan tana iato.

2 SAMUEL 16:8

Napabala’imo PUANG lako kalemu tu rarana bati’na Saul tu musonda dadi datu, sia Nabenmo PUANG Absalom, anakmu tu kadatuan; manassa lanko kamandasan totemo, belanna misa’ko to pa’patibollo rara.

2 SAMUEL 20:26

Sia Ira, iamoto Yair, rengke’ kalena Daud.

2 SAMUEL 21:5

Nakuami tu tau iato mai lako datu: Iatu to ussanggangkanni sia ma’tangnga’ la ussabu’ikan, kiurunganni tang sumalimbayo lan lu mintu’ lili’na Israel –

2 SAMUEL 24:1

Re’dek pole’omi ara’Na tu PUANG lako to Israel sia Nasarrang tu Daud la umpogau’i tu apa la naposanggang to Israel. Nakua: Maleko unnia’i tu to Israel sia to Yehuda.

2 SAMUEL 5:19

Mekutanami Daud lako PUANG, nakua: La sirarira’ka tu to Filistin? La Misorongraka tama limangku? Ma’kadami tu PUANG lako Daud, Nakua: Ke’de’moko, belanna manassa la Kusorong tu to Filistin tama limammu.

2 SAMUEL 5:23

Napekutanammi Daud lako PUANG, anNa ma’kada tu Puang Nakua: Da mulaoi dio mai tingayo, tigirikko ammu tamai boko’i, muurunganni ullaoi dio mai to’ garonto’ baka.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 DATU 18:2

Malemi tu Elia la umpa’petiroan kalena lako Ahab. Attu iato karorian pannang dio Samaria.

2 DATU 6:25

Narampoimi karorian pannang tu Samaria, belanna masai tongan napatama limbu tau iato mai tu kota iato, naurungan misa’ ulu keledai karua pulona sikele’ allinna, na sangtepo ka’ tai bu’ku’ lima sikele’.

2 DATU 8:1

Ma’kadami Elisa lako tu baine mangka napatuo anakna, nakua: Ke’de’moko ammu male sola to lan banuammu, sia mempue umba-umba nii musanga melo, belanna Napasaemo PUANG tu karorian. Dadi tonganmo lan tu tondok pitung taun.

AYUB 10:2

La ma’kadana’ lako Puang Matua: Da Mira’ta’i kumua sipatuna’ diukung; paissannina’, ma’apai Milaoina’.

PA’PUDIAN 27:8

Penaangku unturu’i tu kadamMi, kumua: Daka’Na’ mipellindoiNa’. La kudaka’Komi, KupellindoiKomi, o PUANG.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.

KADIBILANGAN 27:21

La bendan dio olona to minaa Eleazar anna pekutananni to minaa Eleazar tu pangra’ta’na Urim dio oloNa PUANG. Anna tete dio parentaNa anna lu tama lu lan mai tu tau iato mai, la ia la iatu mintu’ to Israel nasisolan, sia mintu’ kasirampunan.

YOSUA 7:1

Apa nalendai to Israel tu parenta diona apa dipemalii, belanna iatu Akhan, anakna Karmi, anakna Zabdi, anakna Zerah, dio mai suku Yehuda, unnalamo apa dipemalii. Iamoto nare’dek ara’Na PUANG lako to Israel.

YOSUA 9:20

Inde sia tu la tapogau’ lako tau iato mai, iamotu la tapatuo, da narampoiki’ kasengkean diona tu sumpa tapake sibasse.

RUT 1:1

Iatonna linona mintu’ to parengnge’ ma’parenta, denmi misa’ karorian lan tondok. Attu iato ke’de’mi misa’ muane dio mai Betlehem, lili’na Yehuda, sola bainena sia anakna muane da’dua la torro to sae dio padang marantena Moab.

1 SAMUEL 10:22

Mekutanaomi tu tau lako PUANG, nakua: Ba’tu saemi tu tau iato?, anNa balii PUANG, Nakua: Manassa membunimo lan lu to’ pareanan.

1 SAMUEL 23:11

La nasorong tonganra’ka to Kehila tama limanna? La solo’ tonganraka tu Saul dao mai, susitu kareba narangi taumMi? O PUANG, Kapenombanna to Israel, pokadanni taumMi tu manassana. Ma’kadami PUANG, Nakua: Tonganna la solo’ dao mai.

1 SAMUEL 23:2

Mekutanami Daud lako PUANG, nakua: Ma’dinra’ka la male untaloi tu to Filistin? Nakuami PUANG lako Daud: Malemoko, ammu taloi tu to Filistin, murampananni tu tondok Kehila.

1 SAMUEL 23:4

Mekutana pole’omi tu Daud lako PUANG, anNa balii PUANG nakua: Ke’de’moko musolo’ rokko Kehila, belanna mintu’ to Filistin la Kusorong tama limammu.