2 SAMUEL 20:6 - Sura' Madatu

⁶ Nakuami Daud lako Abisai: Totemo iatu Seba, anakna Bikri, ma’din umpogau’ kadake lako kaleta mandu na iatu Absalom. Alami tu mintu’ taunna puangmu muula’i, da nalambi’i tu ba’tu pira-pira kota ditambakuku, nanii umpembuniangki’.

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Iatonna tiromi to Amon, kumua mallaimo tu to Aram, mallaimi tu tau iato mai dio mai tingayona Abisai, anna tama kota. Sulemi tu Yoab untalo to Amon, anna rampo lako Yerusalem.

2 SAMUEL 11:11

Mebalimi Uria lako Daud nakua: Iatu patti sia mintu’ to Israel sia to Yehuda torro lan lu tenda sia puangku Yoab sia mintu’ surodadunna puangku mamma’ bang dio lu padang; matumbai kula tama banuangku la kumande sia mangiru’ sia mamma’ sola baineku? La lelukraka tuona puangku sia la leluk dukaraka tuona deatanna puangku, la toyang ia dio mai kaleku la umpogau’i tu susinna to!

2 SAMUEL 18:12

Apa nakua tu tau iato lako Yoab: Iake la morongannai angku timbang salaka sangsa’bu sikele’ dio limangku, manassa inang tae’ duka kula umpata’pai lima tu anakna datu, belanna kirangi sola nasang tu datu mepasan lako kalemi sia lako Abisai sia lako Itai, nakua: La mikanana’i tu Absalom, to mangura iato.

2 SAMUEL 18:2

Mangkato napatallung torroanmi Daud tu mintu’ surodadu, sangtorroan napangului Yoab, sangtorroan napangului Abisai, anakna Zeruya, siulu’na Yoab, na sangtorroan napangului Itai, to Gat. Anna ma’kada tu datu lako mintu’ surodadu, nakua: Manassa la tassu’ dukana’ ussisolangkomi sola nasang.

2 SAMUEL 19:7

Totemo la ke’de’komi ammi male lako salian sia ma’kada susitu naporai surodadummi. Belanna sumpamo’ tete dio PUANG, iake tae’i mitassu’, manassa moi misa’ tau tae’mo tu la torro sola puangku bongi iate; na kamatilakan iate la mandu pole’pa kapuanna lako puangku na iatu mintu’ kamatilakan, tu urrampoinnamo puangku randuk dio mai mangurammi sae lako te totemo te.

2 SAMUEL 2:18

Dio duka ren tu tallu muane, anakna Zeruya, iamotu Yoab, Abisai na Asael; iatu Asael malinta’ susi donga dio lu padang.

2 SAMUEL 21:17

Apa sae tu Abisai, anakna Zeruya untundui tu datu, naba’tai tu to Filistin iato, anna mate. Mangkato napalaku tongan-tonganmi mintu’ surodadunna Daud sia umpalao sumpa lako datu, nakua: Damo mitassu’ ussolangkanni lao parari, da napa’dei puangki tu palitanna Israel.

2 SAMUEL 23:18

Iatu Abisai, siulu’na Yoab, anakna Zeruya, iamo pangulunna tu tau tallu. Na iamoto tu unnea doke tau talluratu’, napatei nasangi. Iamoto natarompo’ dio to tau tallu.

2 SAMUEL 3:30

Iatu Yoab sola Abisai, adinna, umpatei Abner, belanna napatei Abner tu Asael lan kasirarian dio Gibeon.

2 SAMUEL 3:39

Apa totemo malamma’ siapa’ akute, moi angku ditokko dadi datu; tau iato, iamotu anakna Zeruya, mandu masa’ga’ na aku. Na PUANGmora umpakkanni tu to kadake sitinaya kakadakeanna.

1 DATU 1:33

Ma’kadami tu datu lako nakua: Solan nasangi tu mintu’ taunna puangmi, anna anakku Salomo messake dao bagala’ku, ammi solanni lako Gihon.

1 OSSORANNA DATU 11:20

Iatu Abisai, siulu’na Yoab, iamo pangulunna tu tau tallu. Na iamoto tu unnea doke tau talluratu’, napatei nasangi. Iamoto natarompo’ dio to tau tallu.

1 OSSORANNA DATU 18:12

Iatu Abisai, anakna muane Zeruya, untalo to Edom, diong Lombok Ma’sin, namate sangpulo karua sa’bunna.

YEREMIA 8:14

Ma’apai anta la unno’ko’ indete? Sirampunkomi, maikomi tatama tondok ma’tambakuku, moi tadio lu, inang la sanggang dukaki’, belanna Nasorongmoki’ PUANG, Kapenombanta, lako kasanggangan sia Napairu’moki’ rasun, belanna kasalanmoki’ lako PUANG.

MARKUS 3:24

Iake denni misa’ parenta usseru-seru kalena, tae’ nama’din bendan tu parenta iato;

1 SAMUEL 26:6

Ma’kadami Daud lako Ahimelekh, to Het sia lako Abisai, anak Zeruya, siulu’na Yoab, nakua: Minda morai kusolan solo’ rokko Saul, lako to’ tenda iato mai. Mebalimi Abisai, nakua: Aku tu morai solo’ ussisolangkomi.