2 SAMUEL 20:13 - Sura' Madatu

¹³ Iatonna mangkamo umpalelei dio mai lalan, mintu’ tu tau tarru’mo unturu’ Yoab la unnula’ Seba, anakna Bikri.

2 SAMUEL 20:13 ပူးပေါင်းရင်းမြစ်များ

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

2 SAMUEL 20:11

Apa misa’i tu surodadunna Yoab torropa bendan dio, anna ma’kada nakua: Minda-minda umporai Yoab sia umperangii Daud, la naturu’ tu Yoab!

2 SAMUEL 20:14

Nalendu’imi tu mintu’ sukunna Israel sae lako Abel-Bet-Maakha sola tu mintu’ to Bikri, tu sirampunmo la unturu’i.

2 DATU 18:17

Mangkato nasuami datu Asyur tu kamandang ma’iringanna sia pangulu to mase’ponna datu sia kamandang lompo dio mai Lakhis sola sangtuntunan surodadu matoto’ lako Yerusalem, lako datu Hizkia. Ke’de’mi tu tau iato mai anna rampo lako Yerusalem. Iatonna rampomo, ma’kaponanmi sikandappi’ saruran limbong iringna dao dio lalan ma’palulakona padang pamusoran sampin bulu domba.

SARAMBU PEADA’ 16:17

Iatu patunna to bulo lollong iamotu untoyangan kalena dio mai kakadakean; sia minda-minda ungkaritutui lalanna, iamo ungkanandai katuoanna.

YESAYA 36:2

Nasuami datu Asyur tu kolonel dio mai Lakhis lako Yerusalem umpangului buda surodadu la ullaoi datu Hizkia, anna torro tu tau iato mai sikandappi’ saruran limbong tu iringna dao, dio lalan ma’palulakona padang pamusoran sampin bulu domba.

YESAYA 62:10

Sunkomi, sunkomi lan mai babangan, pasakkaranni lalan tu tau iato, rantei, ranteimi tu batatta, alai tu mai batu, pabendanni tu bandera dio lu mintu’ bangsa.

YESAYA 7:3

Ma’kadami tu PUANG lako Yesaya Nakua: Maleko sola anakmu muane Syear Yasyub umpessitammui Ahas lako saruran limbong iringna daona lu, lu lako lalan padang pamusoran sampin bulu domba,

YEREMIA 31:21

Pabendanangko kalemu ba’tu pira-pira tanda, osokangko kalemu ba’tu pira-pira lentong pedullu lalan kamantangi tu batatta, tu lalan muola; sulemoko, e anak dara Israel, sulemoko indete lan lu mintu’ kotamu!

KADIBILANGAN 20:19

Ma’kadami tu to Israel lako, nakua: La unnola batatta bangkan, sia iake unniru’kan uaimmi, aku la iatu patuoangku, manassa la kubaya’ tu allinna; tae’ra apa la kipogau’, sangadinna la tarru’ liu bangna’ lumingka.

MARKUS 10:46

Rampomi lako Yerikho. Iatonna sunmo tu Yesu dio mai Yerikho sola anak gurunNa sia lendu’ budanna tau Nasisolan, denmi anakna Timeus, disanga Bartimeus, to buta kapalaku-laku, unno’ko’ dio biring lalan.

TO PARENGNGE’ 21:19

Ma’kadami tu tau iato mai nakua: Manassa iake taunoi den misa’ pa’gauran umpakaraya PUANG dio Silo, tu rampe rekkena Betel, sia rampe matallona batatta lompo, tu ma’palu dio mai Betel lako Sikhem, sia rampe sau’na Lebona.

1 SAMUEL 6:12

Tarru’ bangmi male tinde sapi ma’palulako Bet-Semes, urrundu’ bang batatta sia mukkun ma’ngoe’ lolanan, tang sumepang kanan ba’tu kairi, naundi bang tu mintu’ arung kota to Filistin unturu’i sae lako lili’na Bet-Semes.