2 SAMUEL 20:12 - Sura' Madatu

¹² Iatu Amasa sumpandan dio tangnga lalan umpendio’ rarana. Iatonna tiromi tau iato tu mintu’ tau torro bendan dio, nariu’mi tu Amasa dio mai lalan lako to’ padang, nasamboi sampin, belanna natiro tu mintu’ to lendu’ dio torro bendan.

2 SAMUEL 20:12 ပူးပေါင်းရင်းမြစ်များ

2 SAMUEL 17:25

Naangka’mi Absalom tu Amasa kamandang surodadu ussonda Yoab. Iatu Amasa anakna misa’ tau disanga Yitra, to Ismael, tu umpobaine Abigal, anakna Nahas, sangbainena Zeruya, indo’na Yoab.

2 SAMUEL 2:23

Apa manoka mallai dio mai kalena, anna rokki Abner tampak dokena tu tambukna, natarru’i tu boko’na; songkami inde to anna mate inde bangsiamoto. Mintu’ tu to lendu’ dio mai inan nanii Asael mate, tadang inde to.

2 SAMUEL 20:11

Apa misa’i tu surodadunna Yoab torropa bendan dio, anna ma’kada nakua: Minda-minda umporai Yoab sia umperangii Daud, la naturu’ tu Yoab!

2 SAMUEL 20:13

Iatonna mangkamo umpalelei dio mai lalan, mintu’ tu tau tarru’mo unturu’ Yoab la unnula’ Seba, anakna Bikri.

PA’PUDIAN 55:23

Sorongi lako PUANG tu kaselangammu, Ia la undaranaiko; inang tang Naeloran tu to malambu’ la tilende’.

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.