2 SAMUEL 2:9 - Sura' Madatu

⁹ naangka’i datunna mintu’ lili’na Gilead sia Asyuri sia lako mintu’ lili’na Yizreel sia to Efraim sia to Benyamin, iamotu mintu’ to Israel.

2 SAMUEL 2:9 ပူးပေါင်းရင်းမြစ်များ

KADADIAN 30:13

Ma’kadami tu Lea nakua: Maupa’na’, belanna mintu’ baine la ussangana’, rongko’. Nasangaimi Asyer tu pia iato.

2 SAMUEL 2:10

Iatu Ishboset, anakna Saul, tonna ditokko undatui to Israel patangpulomo taunna, ma’parentami duangtaun. Ia manna tu suku Yehuda unturu’ Daud.

2 SAMUEL 3:6

Iatonna rarinna rapunna Saul na rapunna Daud, ullolongan kakuasan kapua tu Abner lan banuanna Saul.

1 OSSORANNA DATU 12:29

To Benyamin, sangsukunna Saul, tallungsa’bu; apa sae lako attu iato budapi tu tau iato mai la’ka’pa penaanna lako bati’na Saul;

1 OSSORANNA DATU 12:30

to Efraim, duangpulo sa’bu karua ratu’na, iamo pa’barani lalong, to mala’bi’ lan rapunna.

PA’PUDIAN 108:8

Mangkamo ma’kada tu Puang Matua lan inan maindanNa. La mela’tekna’, sia la kutaa-taa tu Sikhem, sia la kusuka’ tu rantena Sukot.

KADIBILANGAN 1:40

Iatu bati’na Asyer, iamotu lanto mimi’na unturu’ pa’rapuanna sia rapunna, situru’ bilangan sanganna, randuk dio mai siduangpulo taunna ba’tu la’bi, mintu’nato la lao parari.

YOSUA 16:5

Inde sia tu lili’na to Efraim unturu’ pa’rapuanna, iamotu: dio rampe matallo tu anggenna taa mana’na Atarot-Adar sae lako Bet-Horon daona lu.

YOSUA 16:8

Iatu anggenna dio mai Tapuah ma’palulako rampe matampu’ lako salu’-salu’ Kana, na iatu tampakna sae lako to’ tasik. Iamoto tu taa mana’na rapu to Efraim unturu’ pa’rapuanna.

YOSUA 16:9

Sia ia duka tu kota dipasengaran to Efraim lan lu taa mana’na Manasye, iamotu mai kota sola kampongna.

YOSUA 17:1

Inde sia tu taa mana’na suku Manasye tonna diloterei, belanna iamo anak pa’bunga’na Yusuf, iamo tu Makhir, anak pa’bunga’na Manasye, ambe’na Gilead, dipaketaamo Gilead sola Basan, belanna ia misa’ to lalong.

YOSUA 18:11

Napamanassami loterei tu taa mana’na suku Benyamin unturu’ pa’rapuanna, na iatu lili’ padangna tu napamanassa loterei, naparitangnga to Yehuda na bati’na Yusuf.

YOSUA 18:20

Yordan iamoto tu angge lili’ matallona. Iamoto tu mintu’ taa mana’na to Benyamin unturu’ pa’rapuanna sola lili’na tiku lao.

YOSUA 19:18

Iatu mai lili’na, iamotu Yizreel, Kesulot, Sunem,

YOSUA 22:9

Sulemi tu mintu’ to Ruben sia to Gad sia sesena suku Manasye, natampei tu to Israel lan mai Silo dio tondok Kanaan, anna male lako tondok Gilead, iamotu padang mana’na, tu napomana’ susitu Napa’parentan PUANG nalopian Musa.

TO PARENGNGE’ 1:32

Iamoto natorro tu to Asyer dio lu to Kanaan, tu to inang umpa’tondokki tu tondok iato, belanna tae’ naulai’i to Asyer.

1 SAMUEL 29:1

Napasirampunmi to Filistin tu mintu’ surodadunna dio Afek na iatu to Israel ma’tenda sikandappi’ tu kalimbuang dio Yizreel.