2 SAMUEL 2:5 - Sura' Madatu

⁵ Mesuami Daud lako to Yabesh dio Gilead, nakua lako: Naparongko’morokomi PUANG, belanna kamaturu-turuan tu mipogau’ lako puangmi, iamotu Saul, tu mangkamo milamun.

2 SAMUEL 2:5 ပူးပေါင်းရင်းမြစ်များ

KADADIAN 14:19

Napassakkei Melkisedek tu Abram, nama’kada nakua: Napassakkemira Puang Patodoranna, Puang ungkombong langi’ sola lino tu Abram.

KADADIAN 14:22

Nakuami tu Abram lako datu Sodom: Kupasa’bian PUANG, Puang Patodoranna, ungkombong langi’ sola lino,

2 SAMUEL 15:20

Mane sangmai’ ammu sae, ma’apai angku la ussolangko te allo iate male sola salamba salao. Manassa la malena’ lako umba-umba tu ma’din kunii male. Apa iatu iko la suleko musolanni tu mintu’ siulu’mu. Nakamasokanammora sia kamarurusan urrondongko.

2 SAMUEL 21:12

Malemi tu Daud unnalai tu bukunna Saul sia bukunna Yonatan, anakna, dio mai pa’tondokan to Yabesh dio Gilead, tu naala buni pirambongi’ dio pasa’ dio Bet-San, inan nanii untoke’i to Filistin, tonna patei to Filistin tu Saul dao Gilboa;

PA’PUDIAN 115:15

Kamumo tu to Napamasakke PUANG, tu Puang mangka ungkombong langi’ na lino.

YOSUA 2:14

Mebalimi tu tau sola duai lako, nakua: Manassa la kiindo’ikomi, penaangki la ussonda penaammi, podo da mimale umpokadai. Manassa iake Nasorongmi PUANG te tondok iate lako kaleki, la kipogau’mo tu kameloan sia kamarurusan lako kalemi.

TO PARENGNGE’ 21:8

Iamoto nama’kada tu tau iato mai nakua: Denraka misa’ dio mai mintu’ suku to Israel tu tae’ nasae mennolo lako PUANG dio Mizpa? Payanmi kumua dio mai Yabesh, lili’na Gilead, moi misa’ tau tae’ sae lako to’ tenda, lako tu kombongan.

RUT 1:8

ma’kadami Naomi lako minintunna sola duai nakua: Malemokomi, mipantan sule lako banuanna indo’mi; na PUANGmora umpakitaikomi kamamasean, susitu mangka mipa’pekitanan lako tu mai to matemo sia lako kaleku.

RUT 2:20

Ma’kadami Naomi lako minintunna, nakua: Napamasakke-sakkemira PUANG tu tau iato, tu tang undampa kamasokananNa lako to tuo sia to matemo. Sia nakuapa Naomi lako: Iatu tau iato, sangdadianta sia ia duka misa’ to mangla’bakta.

RUT 3:10

Ma’kadami tu Boaz nakua: Napamasakke-sakkemoroko PUANG, e anakku, iatu pa’kaboro’mu tu mupasombo undinna mandu mala’bi’ na iatu dolona, belanna tang untuntunko to mangura, ba’tu to sugi’, ba’tu to bongko.

1 SAMUEL 11:1

Ta’kala saemi tu Nahas to Amon umpatama limbu tondok Yabesy dio lili’na Gilead. Ma’kadami tu mintu’ to Yabesy lako Nahas, nakua: La untananki’ misa’ basse, angki lumbang baka direngnge’ sola nasang lako kalemi.

1 SAMUEL 11:9

Nakuami lako to disua sae: Susite tu la mipokadan to Yabesy dio Gilead, kumua: masiang la sae tu kadirampanammi, ke kulla’i allo. Tonna rampomo tu to disua napokadammi to Yabesy tu iannato, anna parannu tu tau iato mai.

1 SAMUEL 15:13

Iatonna rampomo tu Samuel lako Saul, nakuami Saul lako: Napamasakkemorokomi PUANG! Iatu parentaNa PUANG kupalalomo.

1 SAMUEL 23:21

Ma’kadami Saul, nakua: Napamasakkemorokomi PUANG, belanna mipa’petiroan tu kamamaseammi lako kaleku.

1 SAMUEL 24:19

Allo ia dukate munii umpa’pekitananni, kumua melo tongan tu mupogau’ lako kaleku, belanna Nasorongmo’ PUANG tama limammu, apa tae’ sia mupateina’.