2 SAMUEL 2:4 - Sura' Madatu

⁴ Saemi tu to Yehuda anna tokkoi tu Daud dio la dadi datunna suku Yehuda. Napokadammi tau Daud kumua: To Yabesh dio Gilead tu ullamun Saul.

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Attu iato nasuami datu Daud tu Zadok na Abyatar, to minaa nakua: Pokadanni mintu’ pekaamberan Yehuda, kumua: Ma’apai anna kamu la ma’kaundianna untarima datu sule tama tongkonan layukna, – belanna iatu kadanna mintu’ to Israel rampomo lako datu sia lako mintu’ to lan tongkonan layukna datu –.

2 SAMUEL 19:42

Mebalimi to Yehuda lako to Israel, nakua: Belanna iatu datu sangrara sangbukukan. Ma’apai miposengkei tu diona te? Napakanderakannika datu? Denraka saroki tu iannato?

2 SAMUEL 2:11

Iatu mintu’ attu kama’parentanna Daud dio Hebron undatui suku Yehuda pitung taun annan bulanna.

2 SAMUEL 2:7

Totemo pamatoto’komi kalemi sia pa’pekitananni tu kapiamuaneammi, moi anna matemo tu Saul, puangmi; ondongpi mangkamo’ natokko rapu Yehuda la undatui.

2 SAMUEL 21:11

Naparampomi tau lako Daud tu penggauranna Rizpa, anakna Aya, gundi’na Saul.

2 SAMUEL 21:12

Malemi tu Daud unnalai tu bukunna Saul sia bukunna Yonatan, anakna, dio mai pa’tondokan to Yabesh dio Gilead, tu naala buni pirambongi’ dio pasa’ dio Bet-San, inan nanii untoke’i to Filistin, tonna patei to Filistin tu Saul dao Gilboa;

2 SAMUEL 5:17

Iatonna rangimi to Filistin tu kareba diona Daud ditokko undatui to Israel, ke’de’mi tu mintu’ to Filistin la undaka’ Daud; iatonna rangimi Daud tu diona to, malemi lako kota ditambakuku.

2 SAMUEL 5:3

Susi dukato tu mintu’ pekaamberan to Israel sae mennolo lako datu dio Hebron, anna sibasse datu Daud tu tau iato mai dio Hebron dio oloNa PUANG; mangkato natokkomi tu Daud dadi datunna to Israel.

2 SAMUEL 5:5

Dio Hebron nanii pitungtaun annan bulanna undatui to Yehuda na dio Yerusalem tallungpulo ntallu taunna undatui mintu’ to Israel sia to Yehuda.

2 DATU 11:12

Nasolammi lako salian tu anakna muane datu, napasongko’i makota, sia naben Kasa’bian. Susimoto tu tau iato mai unnangka’ datu; natokko, anna massala’pa-la’pa tu tau iato mai sia metamba-tamba nakua: Na maupa’mora tu datu!

1 OSSORANNA DATU 10:11

Iatonna rangimi mintu’ to Yabesh dio Gilead tu mintu’ penggauranna to Filistin lako Saul,

1 OSSORANNA DATU 11:3

Iamoto nasae tu mintu’ pekaamberan to Israel mennolo lako datu dio Hebron, anna sibasse Daud dio oloNa PUANG dio Hebron; mangkato natokkomi tu Daud dadi datunna to Israel, susi kadanNa PUANG tu nalopian Samuel.

1 OSSORANNA DATU 12:23

Inde sia tu bilanganna tau lan mintu’ tuntunan, tu sae lako Daud dio Hebron, sakka’ la parari, la umpalelei tu kadatuanna Saul lako kalena, situru’ kadanNa PUANG:

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.