2 SAMUEL 2:1 - Sura' Madatu

¹ Mangkato mekutanami tu Daud lako PUANG, nakua: Ma’dinra’ka ke’de’ inde te lako sala umbanna tondok Yehuda? Mebalimi PUANG lako, Nakua: Ke’de’moko. Nakuami Daud: Tondok umbara tu sipatu la kunii male? Nakuami PUANG: Lako Hebron.

2 SAMUEL 2:1 ပူးပေါင်းရင်းမြစ်များ

KADADIAN 13:18

Napalelemi Abram tu tendana, saemi unnosok tendana dao to’ kayu tarpin Mamre, sikandappi’ tondok Hebron, nagaragami inde to dio tu misa’ inan pemalaran lako PUANG.

KADADIAN 32:2

Iatonna tiroi Yakub, nakuami: Iamo pa’baraninNa Puang Matua te mai! Nasangaimi Mahanaim tu inan iato.

2 SAMUEL 15:7

Iatonna upu’mo patangtaun, ma’kadami Absalom lako datu, nakua: La naeloranna’ puangku male lako Hebron, belanna la umpalesso’na’ pangallonangku lako PUANG.

2 SAMUEL 2:11

Iatu mintu’ attu kama’parentanna Daud dio Hebron undatui suku Yehuda pitung taun annan bulanna.

2 SAMUEL 5:19

Mekutanami Daud lako PUANG, nakua: La sirarira’ka tu to Filistin? La Misorongraka tama limangku? Ma’kadami tu PUANG lako Daud, Nakua: Ke’de’moko, belanna manassa la Kusorong tu to Filistin tama limammu.

2 SAMUEL 5:23

Napekutanammi Daud lako PUANG, anNa ma’kada tu Puang Nakua: Da mulaoi dio mai tingayo, tigirikko ammu tamai boko’i, muurunganni ullaoi dio mai to’ garonto’ baka.

1 DATU 2:11

Iatu Daud patangpulo taunna undatui to Israel; pitungtaun ma’parenta dio Hebron, anna tallungpulo ntallung taun dio Yerusalem.

1 OSSORANNA DATU 29:7

Napennoloammi tu apa la dipoparea lan banuanNa PUANG limangsa’bu talenta bulaan na sangpulo sa’bunna darik, sangpulo sa’bunna talenta salaka, sangpulo karua sa’bunna talenta tambaga na saratu sa’bunna talenta bassi.

2 OSSORANNA DATU 11:10

sia Zora sia Ayalon na Hebron; mintu’nato iamo kota ditambakuku lan lili’na Yehuda sia Benyamin.

PA’PUDIAN 143:8

Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

KADIBILANGAN 13:22

Iatonna ke’de’mo tu tau unnola Padang lo’na lu, rampomi lako Hebron; inde to dio nanii ma’tondok tu bati’na Enak, iamotu Ahiman, Sesai na Talmai. Iatu Hebron pitung taunmo dolona dibangun namane Soan dio Mesir.

KADIBILANGAN 27:21

La bendan dio olona to minaa Eleazar anna pekutananni to minaa Eleazar tu pangra’ta’na Urim dio oloNa PUANG. Anna tete dio parentaNa anna lu tama lu lan mai tu tau iato mai, la ia la iatu mintu’ to Israel nasisolan, sia mintu’ kasirampunan.

YOSUA 15:13

Na iatu Kaleb, anakna Yefune, napaketaa Yosua misa’ mana’ dio lu to Yehuda, iamo tu Kiryat-Arba, susitu kadanNa PUANG lako Yosua; iatu Arba iamo ambe’na Enak. Iamote tu Hebron.

TO PARENGNGE’ 1:1

Iatonna matemo tu Yosua, mekutanami tu to Israel lako PUANG, nakua: Mindarakan tu la male dolo urrarii to Kanaan.

1 SAMUEL 10:22

Mekutanaomi tu tau lako PUANG, nakua: Ba’tu saemi tu tau iato?, anNa balii PUANG, Nakua: Manassa membunimo lan lu to’ pareanan.

1 SAMUEL 23:2

Mekutanami Daud lako PUANG, nakua: Ma’dinra’ka la male untaloi tu to Filistin? Nakuami PUANG lako Daud: Malemoko, ammu taloi tu to Filistin, murampananni tu tondok Kehila.

1 SAMUEL 23:4

Mekutana pole’omi tu Daud lako PUANG, anNa balii PUANG nakua: Ke’de’moko musolo’ rokko Kehila, belanna mintu’ to Filistin la Kusorong tama limammu.

1 SAMUEL 30:31

sia lako pekaamberan dio Hebron, sia lako mintu’ inan tu nanii Daud salamba-salao sola mintu’ taunna.