2 SAMUEL 19:5 - Sura' Madatu

⁵ Ta’kala saemi tu Yoab mennolo lako datu lan banua, anna ma’kada nakua: Mipakasiri’ tu mintu’ surodadummi tu untoe sunga’mi sia sunga’na mintu’ anakmi muane sia anakmi baine sia sunga’na mintu’ bainemi sia gundi’mi,

2 SAMUEL 19:5 ပူးပေါင်းရင်းမြစ်များ

2 SAMUEL 15:30

Kendekmi tu Daud unnola mennaa’na buntu Saitun tumangi’ lolanan, sia mellullung sia lumingka tang ma’lapik lentek; sia mintu’ tu tau nasolan mellullung sia tuka’ situang tangi’na.

2 SAMUEL 18:17

Naangka’mi tau tu batang rabukna Absalom, napembuanganni rokko misa’ garuang kapua lan pangala’ iato, anna tombonni tu batu daona lu. Mallai nasangmi tu mintu’ to Israel pada sule lako tendana.

2 SAMUEL 19:13

Sia lako Amasa la mikua susite: Tang sangrara sangbukuraki’ka? Nasanggangimora’ Puang Matua sia la Narangnganni pole’pa, ke tae’i na iko dadi kamandang lompo dio oloku tontong sae lakona la ussonda Yoab.

2 SAMUEL 19:4

Umbungku’mi ulunna tu datu sia unnangle-angle, nakua: O anakku Absalom, Absalom, Absalom, anakku, anakku!

2 SAMUEL 19:6

apa mikamasei tu to ungkabiri’komi sia mikabiri’ tu to ungkamaseikomi. Belanna allo iate mipakanaan kumua iatu mintu’ kamandang sia surodadu moi misa’ tae’ patunna lako kalemi, ondongpi totemo kuissan, kumua, iakenna la tuopa tu Absalom, angki mate nasangmo kami te allo iate, manassa maneri tongan tu iannato dio pentiromi.

2 SAMUEL 3:39

Apa totemo malamma’ siapa’ akute, moi angku ditokko dadi datu; tau iato, iamotu anakna Zeruya, mandu masa’ga’ na aku. Na PUANGmora umpakkanni tu to kadake sitinaya kakadakeanna.

NEHEMIA 9:27

Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

PA’PUDIAN 3:8

Ke’de’Komi, o PUANG, amMi lendokanna’, o Kapenombangku! Belanna mangkamo Mila’pakki tu parangka sadangna ualingku, sia mangkamo Mitepok tu mai isinna to tang mekaaluk.