2 SAMUEL 19:41 - Sura' Madatu

⁴¹ Ta’kala sae nasangmi tu mintu’ to Israel mennolo lako datu anna ma’kada nakua: Ma’apai tu mai siulu’ki, iamotu to Yehuda, anna umboko puangki sia unnanta’komi sia mintu’ to lan tongkonan layukmi sia mintu’ taunna Daud ullamban salu Yordan sola.

2 SAMUEL 19:41 ပူးပေါင်းရင်းမြစ်များ

2 SAMUEL 19:11

Attu iato nasuami datu Daud tu Zadok na Abyatar, to minaa nakua: Pokadanni mintu’ pekaamberan Yehuda, kumua: Ma’apai anna kamu la ma’kaundianna untarima datu sule tama tongkonan layukna, – belanna iatu kadanna mintu’ to Israel rampomo lako datu sia lako mintu’ to lan tongkonan layukna datu –.

2 SAMUEL 19:12

Iatu kamu sola nasang siulu’ku sia sangrara sangbukungku, ma’apai anna kamu la ma’kaundianna untarima datu.

2 SAMUEL 19:3

Iamoto, anna allo iato mintu’ surodadu tama buni kota, susito masiri’ mallai dio mai kasirarian.

TO PARENGNGE’ 12:1

Ditambaimi sirampun tu to Efraim nalamban male lako Zafon. Ma’kadami lako Yefta nakua: Ma’apari ammi male urrarii to Amon, natae’ mitambaikan tamale sola? Iamoto angki la umballai tu banuammi dao botto ulummi.

TO PARENGNGE’ 8:1

Ma’kadami tu to Efraim lako Gideon, nakua: Matumbari te penggaurammi lako kaleki, natae’ra mitambaikan tommi male urrarii to Midian? Nasarabaimi tu Gideon.