2 SAMUEL 19:24 - Sura' Madatu

²⁴ Sae dukami Mefiboset, anakna datu Saul, untammui datu; tae’ nabasei lentekna sia tae’ nakaridi’ danggo’na sia tae’ nabusukki pakeanna randuk dio mai allo kamallaianna datu sae lako kasulean marampa’na.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Millikmi tu Daud diong mai padang, anna mendio’ sia umpake minna’ busarungngu’ sia ussondai pakeanna; mangkato tamami banuanNa PUANG anna menomba; namane sule lako tongkonan layukna, namesua umpasakkaranni kande, anna kumande.

2 SAMUEL 15:30

Kendekmi tu Daud unnola mennaa’na buntu Saitun tumangi’ lolanan, sia mellullung sia lumingka tang ma’lapik lentek; sia mintu’ tu tau nasolan mellullung sia tuka’ situang tangi’na.

2 SAMUEL 16:3

Nakuami datu: Umbamira tu anakna puangmu? Mebalimi tu Ziba lako datu, nakua: Torro ia dio Yerusalem, belanna nakua: Allo ia bangsiamote anna pasulei to Israel tu kadatuanna ambe’ku lako kaleku.

2 SAMUEL 9:11

Mebalimi tu Ziba lako datu nakua: Mintu’ tu kadanna puangku datu, kuturu’ nasang. Susimoto tu Mefiboset kumande sola Daud susi misa’ anak datu.

1 DATU 2:8

Den siapa dio kalemu tu Simei, anakna Gera, to Benyamin dio mai Bahurim, tu untampakkina’ ropu tampak ropu mapassik tongan, tongku male lako Mahanaim; apa undinna to saemi lako randan salu Yordan untammuina’; iamoto angku palao sumpa lako kalena tete dio PUANG, kumua tae’ kula umpateiko pa’dang.

KATASSURAN 19:10

Ma’kadami tu PUANG lako Musa, Nakua: Maleko lako to buda, ammu pemaseroi tu tau iato mai te allo iate sia masiang; la nabusukki tu pakeanna.

YESAYA 15:2

Male tu tau langngan banua kapemalaran, to Dibon male langngan inan madao la sibatingan. Dao Nebo sia Medeba nanii to Moab siurrukan; iatu ulunna tau iato mai digalettungi nasang sia diku’ku’i tu danggo’na.

YEREMIA 41:5

saemi dio mai Sikhem sia Silo sia Samaria karua pulona tu to diku’ku’i danggo’na sia serek-serek pakeanna sia ditori’-tori’ kuli’na sia umbaa kande la dipemalaran sia dupa lako banuanNa PUANG.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

ROMA 12:15

Pada parannukomi to parannu; sia pada tumangi’komi to tumangi’.

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.