2 SAMUEL 19:20 - Sura' Madatu

²⁰ Belanna naissan melo kaunanmi, kumua kasalammo’, iamoto angku sae dolo na iatu mintu’ to lan banuanna Yusuf allo iate untammui puangku datu.

2 SAMUEL 19:20 ပူးပေါင်းရင်းမြစ်များ

KADADIAN 48:14

Nae’te’mi Israel tu lima kananna naremme’i tu ulunna Efraim moi na ia tampak, na iatu ulunna Manasye naremme’ lima kairinna; tonna pogau’i napasitambenan tu limanna moi na Manasye tu pa’bunga’.

KADADIAN 48:20

Napassakkemi sola duai to allo iato, nakua: Sangammi la nasa’bu’ to Israel sipalakuan kamauparan nakua: Puang Matuamora umpasusikomi Efraim sia susi Manasye! Napalosong Yakub tu Efraim na Manasye!

2 SAMUEL 16:5

Iatonna rampomo tu datu Daud lako Bahurim, tassu’mi inde to dio mai tu misa’ bati’na pa’rapuanna Saul, disanga Simei anakna Gera, sae untampakki ropu datu.

2 SAMUEL 19:21

Attu iato ma’kadami tu Abisai, anakna Zeruya, nakua: Ma’apari natang la dipateira tu Simei, belanna untampakki ropu to Natokko PUANG!

2 SAMUEL 19:9

Site’genmi tu to buda sola nasangi dio lu mintu’ suku Israel, nakua: Mangkamoki’ narampanan datu dio mai limanna mintu’ ualinta sia nalendokammoki’ dio mai limanna to Filistin, natotemo mallai tu datu lan mai tondok nasau’ Absalom.

1 DATU 12:20

Iatonna pekarebami mintu’ to Israel, kumua sulemo tu Yerobeam, mesuami tu tau untambai tama kombonganna, anna tokkoi dadi datunna mintu’ to Israel. Moi misa’ tae’ unturu’ bati’na Daud, sangadinna suku Yehuda manna.

1 DATU 12:25

Nabentengmi Yerobeam tu kota Sikhem dao buntunna Efraim, anna torro lan. Ke’de’mi anna male umbentengi tu Pnuel.

YEREMIA 22:23

E iko to unno’ko’ dao Libanon sia messerang lan lu kayu arasi’, lendu’ ia sarromu, ke narampoiko tu mintu’ pa’di’, susito baine mangurria’.

HOSEA 5:15

La maleNa’, angKu sule lako inangKu, sae lako ussa’dingna salana sia undaka’ oloKu; ianna kapussakan tu tau iato mai, manassa la mamali’ tonganmo penaanna umpeagi’Na’.

HOSEA 5:3

Kutandai tu Efraim sia tae’ duka nakarerungan tu Israel dio oloKu. Tonganna totemo ma’gau’ salamoko, e Efraim, sia urruttakkimoko kalemu, e Israel.