2 SAMUEL 19:18 - Sura' Madatu

¹⁸ Lambanmi tu tau iato mai dio kalambanan, anna palambanni sambali’ mai tu mintu’ to lan tongkonan layukna datu sia napogau’ tu apa naala penaanna datu. Na iatu Simei, anakna Gera tukku menomba dio olona datu, tonna mane la lamban Yordan tu datu,

2 SAMUEL 19:18 ပူးပေါင်းရင်းမြစ်များ

2 SAMUEL 19:17

Sia den duka sangsa’bu tau dio mai Benyamin nasolan, sia Ziba, taunna bati’na Saul sola mintu’ anakna muane sangpulo lima sia kaunanna duangpulo; anna rampo lako Yordan sambali’na lu datu.

2 SAMUEL 19:19

anna ma’kada lako datu, nakua: Da dikka’ mipapassannina’ tu kakadakeangku sia da mikilalai tu salaku, tu kupogau’ tonna tassu’ tu puangku datu lan mai Yerusalem. Damo dikka’ napalan penaai puangku.

2 SAMUEL 19:30

Nakuami tu Mefiboset lako datu, nakua: Da’ito naala nasangi, podo sule marampa’ siamo tu puangku datu tama tongkonan layukna.

2 SAMUEL 9:10

La mukarangan tu pa’lak iato, iko sia anakmu muane sia mintu’ kaunammu, sia la muposara’ tu burana, anna kandei anakna puangmu. Iatu Mefiboset, anakna puangmu, la tontongna’ kumande sola. Iatu Ziba sangpulo lima tu anakna muane, anna duangpulo tu kaunanna.

2 SAMUEL 9:2

Denmi misa’ tau lan tongkonan layukna Saul, disanga Ziba. Natambaimi tau mennolo lako Daud, anna ma’kada tu datu lako nakua: Ikomoraka Ziba? Mebalimi nakua: Io puang.

1 DATU 2:8

Den siapa dio kalemu tu Simei, anakna Gera, to Benyamin dio mai Bahurim, tu untampakkina’ ropu tampak ropu mapassik tongan, tongku male lako Mahanaim; apa undinna to saemi lako randan salu Yordan untammuina’; iamoto angku palao sumpa lako kalena tete dio PUANG, kumua tae’ kula umpateiko pa’dang.

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

PA’PUDIAN 81:15

Manassa ta’pa Kupatunduk madomi’ tu mai ualinna, sia Kupasulei limangKu tu mai to unneai.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

1 SAMUEL 22:15

Mane iaraka te kupekutananni lako Puang Matua diona a’ganna? Inang tae’ iato! Da mipapassannina’ ba’tu sangdadiangku tu iannato, belanna moi misa’ tae’ kuissanni tu apa iato, la kapua, la bitti’.