2 SAMUEL 19:13 - Sura' Madatu

¹³ Sia lako Amasa la mikua susite: Tang sangrara sangbukuraki’ka? Nasanggangimora’ Puang Matua sia la Narangnganni pole’pa, ke tae’i na iko dadi kamandang lompo dio oloku tontong sae lakona la ussonda Yoab.

2 SAMUEL 19:13 ပူးပေါင်းရင်းမြစ်များ

KADADIAN 29:14

Nakuami tu Laban lako: Manassa ikomo tu sangrara sangbukungku! Torromi tu Yakub sola, ganna’ bang sangbulan.

2 SAMUEL 17:25

Naangka’mi Absalom tu Amasa kamandang surodadu ussonda Yoab. Iatu Amasa anakna misa’ tau disanga Yitra, to Ismael, tu umpobaine Abigal, anakna Nahas, sangbainena Zeruya, indo’na Yoab.

2 SAMUEL 18:11

Ma’kadami Yoab lako tu to umpokadanni tu iannato nakua: Mutiro tu iannato, ma’apai natae’ muba’tai inde to dio anna memassan rokko padang? Na aku ia umbenko salaka sangpulo batunna sikele’ sia salipi’ misa’.

2 SAMUEL 20:4

Ma’kadami datu lako Amasa, nakua: Tambai tu mintu’ to Yehuda anna sirampun; ianna ma’tallungallomo diomoko ren sule.

2 SAMUEL 3:27

Iatonna sulemo tu Abner lako Hebron, napasepang senga’mi Yoab dio tangnga babangan tondok la sipa’kada buni, narokki tu tambukna, anna mate, belanna la umpebalaran Asael, adinna.

2 SAMUEL 5:1

Sae nasangmi tu mintu’ sukunna to Israel mennolo lako Daud dio Hebron, anna ma’kada nakua: Kami te sola nasang manassa sangrara sangbukuki’.

2 SAMUEL 8:16

Iatu Yoab, anakna Zeruya, kamandang lompona surodadu sia Yosafat, anakna Ahilud, pa’paelean;

1 DATU 19:2

nasuami Izebel tu misa’ tau umpokadanni Elia, kumua: nasanggangimira mintu’ deata sia la narangnganni pole’pa, ke tae’i namasiang attu susi duka te, angku pasusii sunga’na ke simisa’i tau iato mai tu sunga’mu.

1 OSSORANNA DATU 12:18

Attu iato Narampoimi Penaa tu Amasai, pangulunna tu tau tallungpulo nakua: Taummikan, e Daud; la sisolaki’, o anakna Isai! Lamaupa’komi, la maupa’komi! La maupa’ tu to untunduikomi! Belanna Kapenombammi untunduikomi. Natarimami Daud tu tau iato mai anna angka’i pangulu surodadu.

RUT 1:17

Umba-umba minii mate, ia duka la kunii mate sia inde to dio la dinii ullamunna’. Nasanggangimora’ Puang Matua sia Narangnganni pole’pa, ke tang kamatean mannari tu la umpasisarakki’.