2 SAMUEL 19:12 - Sura' Madatu

¹² Iatu kamu sola nasang siulu’ku sia sangrara sangbukungku, ma’apai anna kamu la ma’kaundianna untarima datu.

2 SAMUEL 19:12 ပူးပေါင်းရင်းမြစ်များ

KADADIAN 2:23

Nakuami tolino: Buku lu dio pale’ mai bukungku sia duku’ lu dio mai duku’ku; la disanga baine, belanna diala dio mai muane.

KADADIAN 29:14

Nakuami tu Laban lako: Manassa ikomo tu sangrara sangbukungku! Torromi tu Yakub sola, ganna’ bang sangbulan.

2 SAMUEL 19:41

Ta’kala sae nasangmi tu mintu’ to Israel mennolo lako datu anna ma’kada nakua: Ma’apai tu mai siulu’ki, iamotu to Yehuda, anna umboko puangki sia unnanta’komi sia mintu’ to lan tongkonan layukmi sia mintu’ taunna Daud ullamban salu Yordan sola.

2 SAMUEL 19:42

Mebalimi to Yehuda lako to Israel, nakua: Belanna iatu datu sangrara sangbukukan. Ma’apai miposengkei tu diona te? Napakanderakannika datu? Denraka saroki tu iannato?

2 SAMUEL 5:1

Sae nasangmi tu mintu’ sukunna to Israel mennolo lako Daud dio Hebron, anna ma’kada nakua: Kami te sola nasang manassa sangrara sangbukuki’.

2 SAMUEL 8:17

sia Zadok, anakna Ahitub sia Ahimelekh, anakna Abyatar, to minaa sia Seraya iamo kapala to massura’;

ROMA 11:14

kubela sia manii umpabu’tuan kapangimburuan sangrara sangbukungku sia ungkarimmanni tu tau pira.

EFESUS 5:30

belanna kita te lesoan kaleki’ lan batang kaleNa.

TO PARENGNGE’ 9:2

Palanda’i tama pa’peranginna mintu’ to umpa’tondokki Sikhem kumua: Umbara misanga melo, ke naparentakomi tau pitungpulo muane, mintu’ anakna muane Yerubaal, na iake to misa’ri umparentakomi? Sia la mikilalai kumua to sangrara sangbukuki’.