2 SAMUEL 18:9 - Sura' Madatu

⁹ Sitammumi surodadunna Daud tu Absalom; iatu Absalom ussakei bagala’. Ta’kala messurrukmi tu bagala’ diongna lu tangke marepe’na misa’ kayu tarpin, naurunganni mendoyang lan alla’na langi’ na lino, anna mallai tu bagala’ diong.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Napogau’mi taunna Absalom lako Amnon susitu nasuanni Absalom. Ta’kala ke’de’mi tu mintu’ anakna datu, anna mallai, pada ussakei bagala’na.

2 SAMUEL 14:26

Iake mangkai nagontingi tu beluakna –, ke upu’oi taun, nagontingioi tu beluakna, belanna magasamo nasa’ding iamoto nagontingi – napesuammi untimbangi tu beluakna, siduaratu’ sikele’ magasanna turu’ timbanganna datu.

2 SAMUEL 17:23

Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.

2 SAMUEL 18:10

Iatonna tiromi misa’ tau tu iannato, napokadami lako Yoab, nakua: Kutiro tu Absalom mendoyang dio kayu tarpin.

2 SAMUEL 18:14

Nakuami Yoab: Manokana’ murempai. Naalami tu doke bandangan tallu, anna rokki tama tu buana Absalom, tonna tuopa mendoyang dio kayu tarpin.

2 SAMUEL 18:8

Sakerangan-rangannami tu rari dio lu mintu’ padang iato, naurungan allo iato mintu’ tu tau nasanggang pangala’ mandu buda na iatu to nakande pa’dang.

AYUB 31:3

Tangiaraka kasanggangan tu taana to leko’ sia tangiaraka kamandasan tu taana to umpogau’ kakelokan?

SARAMBU PEADA’ 20:20

Minda-minda untampakki ropu ambe’na sola indo’na, la pa’de tu sulona, ke lillinan parrakki.

SARAMBU PEADA’ 30:17

Iatu mata untelle-telle ambe’na sia tang umbilang kamengkaolan lako indo’na, la natotokki kaduaya diong biring salu’-salu’ sia la nakande anak langkan maega.

YEREMIA 48:44

Minda-minda lussu’ dio mai ma’patirambanna, iamo la tobang rokko patuang, sia minda-minda tu ma’din kendek diongmai patuang, iamo la naala poya, belanna Aku te la umparampoi lako kalena, iamotu lako Moab tu taun kadiukunganna, kadanNa PUANG.

MATIUS 27:5

Nasamboran nasangmi tu salaka tama Banua Kabusungan, namale, anna lao untoke’ kalena.

MARKUS 7:10

Belanna nakua Musa: Kasiri’i tu ambe’mu sia indo’mu sia: Minda-minda tu unggatai ambe’na ba’tu indo’na, iamo la mate dipongko.

GALATIA 3:13

Mangkamoki’ Nala’bak Kristus dio mai tampak ropu Sukaran aluk, apa Ia mendadi tampakan ropu belanna kita, belanna nakua lan sura’: Tampak ropu lako mintu’ to titoke’ dao kayu.

PA’TOLE 21:23

manassa iatu batang rabukna, tae’ nama’din torro sipeupu’ bongi dio lentong, sangadinna la mulamun bangsiamoto allo iato, belanna iatu tau ditoke’ Natampakki ropu Kapenomban; da mupamaruttakki tu tondok, la Nabenko PUANG, Kapenombammu, la mupotaa mana’.

PA’TOLE 27:16

Tampak ropu lako to umpamatuna ambe’na ba’tu indo’na. Anna mintu’ bangsa mebali nakua: Amin.

PA’TOLE 27:20

Tampak ropu lako to sangampa’ bainena ambe’na, belanna ungkillang sambu’na ambe’na. Anna mintu’ bangsa mebali nakua: Amin.