2 SAMUEL 18:19 - Sura' Madatu

¹⁹ Nakuami Ahimaas, anakna Zadok: Eloranna’ kuma’dondo male umbaa kareba melo lako datu, kumua Nasanda tonganni PUANG tu datu dio mai ualinna!

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Sia nakua datu lako to minaa Zadok: Tae’raka mimisa’ to patanda-tandan? Sule marampa’mokomi tama kota, sola tu anakmi Ahimaas sia Yonatan, anakna Abyatar, tu anakmi sola duakomi misolan.

2 SAMUEL 15:36

Iatu anakna sola duai dio sola, iamotu Ahimaas, anakna Zadok, sia Yonatan, anakna Abyatar. Iatu mintu’ apa murangi la rampo lako kaleku tete dio tau iato.

2 SAMUEL 17:17

Iatu Yonatan sola Ahimaas torro sikandappi’ kalimbuang En-Rogel, na misa’ kaunan baine nenne’ male lako umpokadanni tu kareba, anna male sola duai inde to dio mai lako datu Daud umpokadai tu kareba iato, belanna tae’ nama’din sola duai tama kota umpa’pekanaan kalena.

2 SAMUEL 18:20

Apa nakua Yoab lako: Tae’na iko tu to sipatu la umbaa kareba allo iate. Na allo senga’opa mumane ma’din male umbaa kareba; belanna allo iate tae’ muma’din la umbaa kareba melo, belanna matemo tu anakna datu.

2 SAMUEL 18:23

(Nakuami): Moi nasusito, la ma’dondona’ male. Nakuami Yoab lako: Ma’dondomoko male. Ma’dondo-dondomi unnola lalan ma’palulako padang, anna doloi tu to Etiopia.

2 SAMUEL 18:31

Ta’kala rampomi tu to Etiopia. Ma’kadami tu to Etiopia iato nakua: Untarimakomi misa’ kareba melo, o puangku datu, belanna Nasanda tongannimokomi PUANG dio mai mintu’ tau unneakomi.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

PA’PUDIAN 10:18

la umpasalunna pia biung sia to dipakario-rio, kumua iatu tolino untorroi kuli’na padang da anna ma’patiramban pole.

PA’PUDIAN 7:6

elo’na naula’ sumpuna’ ualingku anna alaina’, sia nalullu’i rokko padang tu sunga’ku, sia nalamma’i rokko litak tu deatangku. Sela

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

PA’PUDIAN 9:4

Belanna sumoro’mo tu mintu’ ualingku, tisumbangmo anna mangsan dio oloMi.

YEREMIA 51:31

Iatu to disua ma’dondo-dondo pada sitammu to disua sia to umbaa kareba pada sitammu duka la umparampoi lako datu Babel, kumua di talomo tu kotana tiku lao;

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.