2 SAMUEL 18:17 - Sura' Madatu

¹⁷ Naangka’mi tau tu batang rabukna Absalom, napembuanganni rokko misa’ garuang kapua lan pangala’ iato, anna tombonni tu batu daona lu. Mallai nasangmi tu mintu’ to Israel pada sule lako tendana.

2 SAMUEL 18:17 ပူးပေါင်းရင်းမြစ်များ

2 SAMUEL 19:5

Ta’kala saemi tu Yoab mennolo lako datu lan banua, anna ma’kada nakua: Mipakasiri’ tu mintu’ surodadummi tu untoe sunga’mi sia sunga’na mintu’ anakmi muane sia anakmi baine sia sunga’na mintu’ bainemi sia gundi’mi,

2 SAMUEL 19:8

Ke’de’mi tu datu anna male unnisung tama babangan kota. Napokadami tau lako surodadu, nakua: Malemo tu datu unnisung tama babangan. Saemi tu mintu’ surodadu mennolo lako datu. Apa iatu to Israel pantan mallai lako tendana.

2 SAMUEL 19:9

Site’genmi tu to buda sola nasangi dio lu mintu’ suku Israel, nakua: Mangkamoki’ narampanan datu dio mai limanna mintu’ ualinta sia nalendokammoki’ dio mai limanna to Filistin, natotemo mallai tu datu lan mai tondok nasau’ Absalom.

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

2 SAMUEL 20:22

Malemi tu baine iato, umpa’petimbangan meloi tu tanga’na tama to’ to buda; nata’takkimi tau tu ulunna Seba, anakna Bikri, napellebaranni lako Yoab. Napannonimi Yoab tu napiri tanduk, ke’de’mi tu tau iato mai sisarak-sarak untampe kota, pantan sule lako to’ inanna. Na iatu Yoab sulemo lako Yerusalem mennolo lako datu.

2 DATU 14:12

Iatu to Yehuda natalomo to Israel, anna pada mallai sule lako to’ tendana.

2 DATU 8:21

Malemi tu Yoram tarru’ lako Zair sola mintu’ karetana; ke’de’mi tu datu tonna bongi anna taloi tu to Edom, tu umpatama limbui sia iatu mai pangulu karetana; nasangmallaian tu to buda lako tendana.

SARAMBU PEADA’ 10:7

Dinanna batu silambi’ tu to malambu’ la napomaupa’ tau, apa iatu sanganna to tang mekaaluk la bubosi.

PA’TOLE 21:20

sia la ma’kada lako pekaamberanna kotana nakua: Iate anakki muane pia torokossik sia pabali-bali, tae’ namorai umperangiikan, sia untabu-tabu bang ianan sia pangirusan.

PA’TOLE 21:21

Attu iato iatu mintu’ muane lan kotana ussileba’i batu, naurunganni mate. Susimoto la munii umpa’dei tu kadake dio lu kamu; narangimi mintu’ to Israel sia mataku’.

YOSUA 10:27

Iatonna la lambunmo allo, mesuami Yosua umpopengkalaoi tu batang rabukna datu iato dao mai lentong, napembuanganni tau tama lo’ko’, tu nanii membuni; napanniimi ba’tu pira-pira batu kapua tu baba lo’ko’, tu dio siapa sae lako allo iate.

YOSUA 7:26

Mangkato napabendannimi tau misa’ tombonan batu daona lu, tu tontong sae lako allo iate. Namane PUANG umparapa’i tu kare’dekanna ara’Na. Iamoto nasangai tau tu inan iato lombok Akhor sae lako allo iate.

YOSUA 8:29

Natoke’i tu datu Ai lako misa’ lentong; iatonna la lambunmo allo, mesuami Yosua unnalai tu batang rabukna dio mai lentong, anna pembassananni sikandappi’ to’ babangan kota; mangkato napabendannimi tau misa’ tombonan batu dao, tu dio sia, sae lako allo iate.

1 SAMUEL 4:10

Pararimi tu to Filistin, anna taloi tu to Israel, sisarambuammi mallai sola nasangi, pantan sule lako to’ tendana; nalendu’ ia budanna dipongko, naurunganni siapanammo mate tu to Israel tallungpulo sa’bu, iamotu surodadu ma’lingka.