2 SAMUEL 18:14 - Sura' Madatu

¹⁴ Nakuami Yoab: Manokana’ murempai. Naalami tu doke bandangan tallu, anna rokki tama tu buana Absalom, tonna tuopa mendoyang dio kayu tarpin.

2 SAMUEL 18:14 ပူးပေါင်းရင်းမြစ်များ

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 14:30

Iamoto anna ma’kada Absalom lako mintu’ taunna, nakua: Iatu bela’na Yoab siamping bela’ku sia nanii dalle sisikan dio. Malekomi ammi ballai. Naballami taunna Absalom tu bela’ iato.

2 SAMUEL 18:15

Saemi tu sangpulo surodadu, pa’baraninna Yoab, untalimbungi, naba’tai tu Absalom.

2 SAMUEL 18:5

Ma’kadami tu datu lako Yoab sia Abisai sia Itai, nakua: Kanana’i tu Absalom, to mangura iato. Narangimi surodadu tu kadanna datu lako mintu’ kamandang diona Absalom.

2 SAMUEL 19:1

Napokadami tau lako Yoab, nakua: Tontong bang tu datu umbatingi sia umpomasussai tu Absalom.

2 SAMUEL 19:11

Attu iato nasuami datu Daud tu Zadok na Abyatar, to minaa nakua: Pokadanni mintu’ pekaamberan Yehuda, kumua: Ma’apai anna kamu la ma’kaundianna untarima datu sule tama tongkonan layukna, – belanna iatu kadanna mintu’ to Israel rampomo lako datu sia lako mintu’ to lan tongkonan layukna datu –.

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

PA’PUDIAN 37:35

Kutiromo tu misa’ to tang mekaaluk masa’ga’, umparumaka kalena susi balintoto loboran.

PA’PUDIAN 45:5

Sangapaoi mimaupa’ dao sakeammi, lao umposara’ kamanapparan, kaumpamadiongan penaa sia katonganan, na lima kananmi la umpatudukomi tu mai masangna.

MATIUS 12:40

Belanna susi nabi Yunus tallung allo tallung bongi lan tambuk bale kapua, susi dukato tu Anak rampan dilino la lan maririnna litak tallung allo tallung bongi masainna.

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

TO PARENGNGE’ 4:21

Apa naala Yael, bainena Heber, tu misa’ petana’ tenda sia untoe pepa’tong, napela’i male lako Sisera, anna tana’i tu petana’ iato tama pili’na, natarru’ rokko padang anna mate, belanna tarru’ leppeng napobua’ kabo’yokanna.

TO PARENGNGE’ 5:26

Kumorongmi unnala petana’, unnulumi lima kananna unnala pepa’tong to pande, napa’tongi tu Sisera, natarru’i tu ulunna, nalo’po’mi natarru’i tu pili’na.

TO PARENGNGE’ 5:31

Susimoto la sanggang tu mintu’ ualimMi, o PUANG! Apa iatu mintu’ to ungkamali’ Puang la susito allo dellek mapannang. Mangkato marampa’mi tu tondok patangpulo taunna.