2 SAMUEL 17:9 - Sura' Madatu

⁹ Tae’ nasalai ba’tu umbannamo garuang nanii membuni ba’tu lan lu misa’ inan senga’. Ondong pissanpi, ke mulannai namate tu ba’tu pira-pira taunta, manassa iatu to urrangii tu ianna te, la ma’kada nakua: ditalomo tu tau unturu’ Absalom.

2 SAMUEL 17:9 ပူးပေါင်းရင်းမြစ်များ

2 SAMUEL 17:10

Attu iato moi to barani, tu ma’penaa singa, manassa la raang penaanna, belanna natandai mintu’ to Israel, kumua iatu ambe’mi misa’ to lalong sia barani nasang tu mintu’ to nasolan.

2 SAMUEL 17:8

Sia nakuapa Husai: Mitandai kumua iatu ambe’mi sia mintu’ taunna lalong nasang, sia mapalla susi beruang setangan dio lu padang, tu sisayuran anakna. Ondongpi iatu ambe’mi to malute parari, dadi tae’ nala torro ma’bongi sola mintu’ to buda.

YEREMIA 41:9

Iatu bubun nanii Ismael umpembuanganni tu mintu’ batang rabukna tau napatei, misa’ bubun kapua, iamotu nabo’bok datu Asa, belanna ungkataku’ Baesa, datu to Israel; bubun iamoto naponnoi Ismael, anakna Netanya, to dipatei.

YOSUA 7:5

Belanna napatei to Ai agi-agi tallungpulo nnannan tu tau iato mai sia naula’, dio salian babangan sae lako patuang dinii umpa’ batu sia natalo dio se’pon tanete. Attu iato raangmo penaanna tu bangsa iato, sia pa’de’ deatamo.

YOSUA 8:6

La tassu’ tu tau iato mai la unnula’kanni, kiurunganni umpasisarakki kotana, belanna la natangnga’ tau iato mai, kumua: mallaimo tu tau iato dio mai tingayota susito dolona. Iake mallaimokanni dio mai tingayona,

1 SAMUEL 22:1

Ke’de’mi tu Daud inde to dio mai lussu’ mentilindung lan lo’ko’ Adulam. Tonna rangimi mintu’ siulu’na sia sangdadianna, solo’mi tu tau iato mai umpessitammui.

1 SAMUEL 23:22

Totemo malemokomi ma’pasakka’, ammi tiroi sia mipemanassai umba nanii lalan lette’na sia minda tu manassa untiroi dio, belanna iatu mintu’ penggauranna nalaoan kamatarrusan.

1 SAMUEL 24:3

Nasolammi Saul tallungsa’bu tu to ditonno’ dio mai mintu’ to Israel, anna male undaka’ Daud sola mintu’ taunna sikandappi’ buntu batu Bembe’ lampung.