2 SAMUEL 17:23 - Sura' Madatu

²³ Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Iatonna la untunumo pemala’ tu Absalom, mesuami untambai Ahitofel, to Giloni, ada’na Daud, sae dio mai Gilo, tondokna. Iatu kasipakulu-kuluan salangngan-langnganna, na iatu to unturu’ Absalom sabuda-budannamo.

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

2 SAMUEL 16:23

Attu iato iatu kada napokada Ahitofel butung to umpekutanan kadanNa Puang Matua; susimoto tu mintu’ pa’timbanganna Ahitofel naangga’ la Daud, la Absalom.

2 SAMUEL 17:22

Ke’de’mi tu Daud sola mintu’ tu to nasolan, anna lambanni salu Yordan, naurunganni iatonna tibangka’mo masiang, moi misa’ tau tae’mo tu tang ullambanni Yordan.

1 DATU 16:18

Iatonna tiroi Zimri kumua ditalomo tu kota, malemi tama benteng tongkonan layuk, anna ballai tu tongkonan layuk daona lu, namate,

2 DATU 20:1

Allo iato masanna’mi sakinna tu Hizkia, la mate mannamo; saemi nabi Yesaya, anakna Amos, mennolo lako datu, anna ma’kada nakua: Inde sia tu kadanNa PUANG: Mepasanmokomi lako mintu’ to lan tongkonan layukmi, belanna la matekomi sia tae’mo mila tuo.

AYUB 31:3

Tangiaraka kasanggangan tu taana to leko’ sia tangiaraka kamandasan tu taana to umpogau’ kakelokan?

PA’PUDIAN 109:20

Sangapaoi anna mintu’na te Napa’papakkanan PUANG lako mintu’na balingku, sia lako mintu’ to ullangdona’.

PA’PUDIAN 5:10

Belanna tae’ bang tu tongan sun dio pudukna tau iato mai; kasanggangan napariba’tang, sia gora-gorana butung liang tungangnga’, sia paminnakan tu lilana.

PA’PUDIAN 55:23

Sorongi lako PUANG tu kaselangammu, Ia la undaranaiko; inang tang Naeloran tu to malambu’ la tilende’.

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

SARAMBU PEADA’ 19:3

Iatu kabaganna kalena tau ussanggang lalanna, moi susito, ma’paropo’ duka lako PUANG.

YESAYA 38:1

Allo iato masanna’mi sakinna tu Hizkia, la mate mannamo; saemi nabi Yesaya, anakna Amos mennolo lako datu, anna ma’kada nakua: Inde sia tu kadanNa PUANG Nakua: Mepasanmoko lako mintu’ to lan tongkonan layukmu, belanna la matemoko sia tae’mo mula tuo.

MATIUS 27:5

Nasamboran nasangmi tu salaka tama Banua Kabusungan, namale, anna lao untoke’ kalena.