2 SAMUEL 17:14 - Sura' Madatu

¹⁴ Nakuami Absalom sia mintu’ to Israel: Iatu pa’timbanganna Husai, to Arki melo na pa’timbanganna Ahitofel. Apa inang pangelorannamo PUANG susito, belanna la Nadampa tu pa’timbanganna Ahitofel, kumua anNa pasaeanni kasanggangan PUANG tu Absalom.

2 SAMUEL 17:14 ပူးပေါင်းရင်းမြစ်များ

KADADIAN 32:28

Nakuami tinde tau: Tae’mo mudisanga Yakub, sangadinna Israel, belanna mangkamoko sirari Puang Matua sia tolino ammu patalo.

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

2 SAMUEL 15:34

apa iake suleko tama kota ammu ma’kada lako Absalom: Aku te taunnamo’ puangku, moi anna dolona taunnana’ ambe’mi; apa totemo taunnamo’ puangku; nasusito ma’din mupadampa tu pa’timbanganna Ahitofel.

2 SAMUEL 16:23

Attu iato iatu kada napokada Ahitofel butung to umpekutanan kadanNa Puang Matua; susimoto tu mintu’ pa’timbanganna Ahitofel naangga’ la Daud, la Absalom.

2 OSSORANNA DATU 10:15

Tae’mi napasiolai datu tu palakunna to buda, belanna susimo Nalampak Puang Matua to, la Napalanda’ PUANG tu apa mangka Napokada lako Yerobeam, anakna Nebat, nalopian Ahia, to Silo.

2 OSSORANNA DATU 10:8

Apa natumpu tu timbangan napokada mintu’ to matua-tua lako kalena, anna male ma’kombongan sola to mangura, sangbara’na, tu naala parea.

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

2 OSSORANNA DATU 25:20

Apa tae’ naperangii Amazia, belanna inang Nalampakmo Puang Matua la ussorongi lako tau iato mai, belanna nadaka’mo tu rapang-rapang dipodeatanna Edom.

NEHEMIA 4:15

Iatonna rangimi ualingki kumua kiissan nasangmo sia Nadampamo Puang Matua tu tangnga’na, ma’dinmokan sule nasang lako to’ rinding tembo’ pantan lako pa’diamanna.

AYUB 12:17

Nasua tu to pebangun ada’ male susito makario-rio sia to ma’paolai salu Napadadimo to baga.

PA’PUDIAN 9:15

Kumua angku uleleanni tu mintu’ penggauran mala’bi’Mi, angku lo’dok to kaiyangan lan babanganna anak dara Sion belanna kasalamaran lu dio mai Kalemi.

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

SARAMBU PEADA’ 19:21

Buda tu natangnga’ tau lan penaanna, apa iatu NapantokNa PUANG tang leluk.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YESAYA 8:10

Iatu apa mikombongan, inang tang la danun; iatu kada misama turu’i, tang la lolo’, belanna Narondongkan Puang Matua.

BATING 3:37

Mindara tu ma’kada manna nakombongmo? Ke tae’i anNa Puang umpasanni?

AMOS 9:3

Sia iake la messu’bui dao botto Karmel, manassa Aku la umparessai sia la unnalai inde to dio mai, moi umbuni kalena dio mai pentiroKu diong salinna tasik, manassa la Kusua tu misa’ ula’ inde to dio mai untotokki.

LUKAS 16:8

Napudi-pudimi puangna tinde to ma’kampa banua tang malolo, apa manarang umpasilolonganni tu iannato; ondong ia manarangna tu mintu’ to umbudanan katuoan lan lino lako solana na iatu to umpengkaolai kamaseroan.

1 KORINTUS 3:19

Belanna iatu kakinaanna te lino mendadi pa’popetaa lako Puang Matua. Apa den disura’ nakua: Tangnga’na kalena tu to matangngaran Nanii Puang untingkanni.

PA’TOLE 2:30

Apa iatu Sihon, datunna Hesbon, tae’ naelorangkan ullendu’i lili’na, belanna PUANG, Kapenombammu umpamakarra’i tu penaanna sia umpabattuk ba’tengna, kumua anNa sorongi tama kuasammu, susitu a’ganna totemo.

YOSUA 11:20

Belanna susimoto Napamanassa PUANG, kumua Ia umpamakarra’i tu penaanna tau iato mai, naurungan sae urrarii to Israel, anna disabu’i butung pepayu sia dimangsanni tang dikaturuturui, susitu Napasan PUANG lako Musa.