2 SAMUEL 17:10 - Sura' Madatu

¹⁰ Attu iato moi to barani, tu ma’penaa singa, manassa la raang penaanna, belanna natandai mintu’ to Israel, kumua iatu ambe’mi misa’ to lalong sia barani nasang tu mintu’ to nasolan.

2 SAMUEL 17:10 ပူးပေါင်းရင်းမြစ်များ

KADADIAN 49:9

Iatu Yehuda butung anak singa; ke mangkamoko mangrampa, e anakku, kendekmoko langngan sule. Kumuku sia mamma’ susi singa, sia susi singa birang: mindara la untundanni!

2 SAMUEL 1:23

Iatu Saul sia Yonatan, tu naala penaanna sia nakamasei to buda lan katuoanna, tae’ duka nasitampe lan kamateanna. Mandu ia malinta’ sola duai anna langkan maega sia matoto’ anna singa.

2 SAMUEL 17:9

Tae’ nasalai ba’tu umbannamo garuang nanii membuni ba’tu lan lu misa’ inan senga’. Ondong pissanpi, ke mulannai namate tu ba’tu pira-pira taunta, manassa iatu to urrangii tu ianna te, la ma’kada nakua: ditalomo tu tau unturu’ Absalom.

2 SAMUEL 23:20

Sia iapa tu Benaya, anakna Yoyada, anakna misa’ pa’barani, tu tarompo’ penggauranna, dio mai Kabzeel; iamote tu umpatei da’dua pa’barani lalong dio mai Moab. Den duka sangallo tonna attunnamo ambun makko namengkalao rokko garuang, napatei tu misa’ singa diong.

PA’PUDIAN 89:19

Belanna iatu balulangki lu dio mai PUANG, sia iatu datungki lu dio mai To maserona to Israel.

KATASSURAN 15:15

Attu iato tirambanmi pangulunna Edom, narampoimi kapa’pagegean tu mintu’ to paa dio Moab, iatu pa’tondokan Kanaan sipa’parondo-rondoan.

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.

PA’TENDENG BALLO 3:7

Tiromi, iamote tu bulleanna Salomo, natikui annan pulona to lalong dio mai mintu’ lalongna to Israel.

YESAYA 13:7

Iamoto anna la langga’ tu mintu’ lima sia la bonnong tu penaanna mintu’ tolino.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

YEHEZKIEL 21:15

Anna rantang tu buana tau sia buda tu to dipatei. Dio lu mintu’ babanganna Kutanannimo pa’dang tu inan pa’tinggoroan. A’a digaragaimo tu pa’dang la pandillak-dillak; diasamo la dipa’tinggoroan.

PA’TOLE 1:28

Umbara la takua kendek langngan? Napabonnongmo siulu’ta tu penaanta nakua: Iatu tau dio mandu kapua sia malangka’ na kita, iatu mai kota kapua sia ditambakuku malangka’ langngan langi’, sia tatiro duka dio tu to Enak.

IBRANI 11:34

umpapa’de kamasarrangan api, ullendokan kalena dio mai mata pa’dang, malamma’ anna memmawatang, sia lalong lan kapararian, sia untalo russun mintu’ to pararinna uali naurunganni mallai.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 18:17

Nakuami Saul lako Daud: Iatu anak pa’bunga’ku, disanga Merab, la kupasirampanangko kapa’, ke dadi dukako pia lalong dio kaleku sia ammu pogau’i tu rarinNa PUANG. Apa ma’tangnga’ Saul kumua: Da nalimangku umpata’pai, sangadinna limanna to Filistin.