2 SAMUEL 16:8 - Sura' Madatu

⁸ Napabala’imo PUANG lako kalemu tu rarana bati’na Saul tu musonda dadi datu, sia Nabenmo PUANG Absalom, anakmu tu kadatuan; manassa lanko kamandasan totemo, belanna misa’ko to pa’patibollo rara.

2 SAMUEL 16:8 ပူးပေါင်းရင်းမြစ်များ

2 SAMUEL 1:16

Nakuami Daud lako: Iatu raramu ma’indo’ dio iko kalemu, belanna pudukmu kalena ussa’biiko, nakua: umpateina’ to Natokko PUANG.

2 SAMUEL 19:19

anna ma’kada lako datu, nakua: Da dikka’ mipapassannina’ tu kakadakeangku sia da mikilalai tu salaku, tu kupogau’ tonna tassu’ tu puangku datu lan mai Yerusalem. Damo dikka’ napalan penaai puangku.

2 SAMUEL 19:21

Attu iato ma’kadami tu Abisai, anakna Zeruya, nakua: Ma’apari natang la dipateira tu Simei, belanna untampakki ropu to Natokko PUANG!

2 SAMUEL 21:1

Iatonna linona Daud denmi karorian pannang situru’-turu’ bang tallung taun; iamoto anna masambayang tu Daud umpekutananni langngan PUANG. Napebaliimi PUANG Nakua: Iamo tu Saul, sola bati’na kaindanan rara bangsia, belanna mangka umpatei to Gibeon.

2 SAMUEL 21:9

Nasorongi tu tau iato sola nasangi lako to Gibeon, anna toke’i dao buntu dio oloNa PUANG. Susimoto tu kadisabu’iranna tu tau sola pitui sia dipatei tonna mane pedalle sisikan, iamotu bunga’na allo pedalle sisikan.

1 DATU 2:8

Den siapa dio kalemu tu Simei, anakna Gera, to Benyamin dio mai Bahurim, tu untampakkina’ ropu tampak ropu mapassik tongan, tongku male lako Mahanaim; apa undinna to saemi lako randan salu Yordan untammuina’; iamoto angku palao sumpa lako kalena tete dio PUANG, kumua tae’ kula umpateiko pa’dang.

PA’PUDIAN 3:2

O PUANG, lendu’ budannamo ualingku! Makambanmo to umbalina’.

PA’PUDIAN 4:2

Pebaliina’, ke meongli’na’. O Puang Matua, oto’na kamaloloangku! Tu umpamaluanganna’, ke si’pi’na’. Katuru-turuina’ sia tanding talingai tu passambayangku!

PA’PUDIAN 55:3

Kilalaina’ dikka’ sia pebaliina’; apa tae’ upu’ku salamba salao situang kamagiangan sia sarro budangku.

PA’PUDIAN 7:4

O PUANG, Kapenombangku, iake kupogau’ lenmi tu susinnato, sia iake denni kakelokan lan lisu pala’ku,

SARAMBU PEADA’ 26:2

Susito dena’ mettia’ lu lako lu dio mai sia susi kaluppini’ male bang mettia’, susi dukato tu tampak ropu dipokada punala bang, tang la umbasa tau.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

TO PARENGNGE’ 9:24

kumua anna dipapakkanni tu pa’pakario-rio, tu diparampo lako pitungpulo anakna muane Yerubaal, iamotu kadipatibolloanna rarana, belanna Napasule Puang langngan botto ulunna Abimelekh, siulu’na, tu mangkamo umpatei sia Napopa’indo’ duka langngan botto ulunna to Sikhem, tu patunduan umpatei siulu’na Abimelekh.