2 SAMUEL 16:21 - Sura' Madatu

²¹ Ma’kadami Ahitofel lako Absalom, nakua: Melo ke sangampa’i puangku tu mintu’ gundi’na ambe’mi tu napatorro ungkampai tongkonan layuk; susito la narangi mintu’ to Israel tu diona puangku, kumua mipakadake lelemo tu kalemi lako ambe’mi, sia salamatoto’-toto’na tu mintu’ to unturu’komi.

2 SAMUEL 16:21 ပူးပေါင်းရင်းမြစ်များ

KADADIAN 34:30

Nakuami Yakub lako Simeon sola Lewi: Mipa’petumanganna’ sia mipalele kadake tu sangangku lako mintu’ pa’tondokan iate, iamotu lako to Kanaan sia to Feris; kita te to tang pirariki’, iake natambai nasangi tu solana, sae unneaki’, manassa natalona’ sia napasisanggangna’ mintu’ repokku.

KADADIAN 35:22

Den pissan tonna pa’tondokkimi Israel tu padang iato, malemi tu Ruben ussangamparan Bilha, gundi’na ambe’na, napekarebami Israel tu iannato. Iatu muane, tu anakna Yakub sangpulo dua.

KADADIAN 38:16

Lendu’mi tu Yehuda lako to baine iato nama’kada nakua: Sia’ko, tasangampa’, belanna tae’ naissanni kumua iatu baine iato menintunna. Mebalimi tu baine iato: Apara tu la mubenna’, ammu sangamparanna’?

KADADIAN 6:4

Attu iato den tu tau lan lino kalando kapua naundinnato, tonna rampeimi anak Puang Matua tu baine bati’ tolino, napadadiammi bati’: iamote tu lalong sia kalelean tu sanganna tonna lino dolo.

2 SAMUEL 10:6

Iatonna issanmi to Amon kumua napakadake lelemo tu kalena dio olona Daud, nasuami ussaroi to Aram dio Bet-Rehob sia to Aram dio Zoba duangpulo sa’bu tu surodadu lumingka, sia surodadunna datu Maakha sangsa’bu, sia surodadunna Tob sangpulo dua sa’bu.

2 SAMUEL 12:11

Sia nakuapa tu kadanNa PUANG Nakua: La Kuparampoiko kakadakean lan mai tongkonan layukmu sia la mutiro Kualai tu bainemu Kubenni solamu, anna sangampa’ dio to’ masiangna.

2 SAMUEL 13:5

Nakuami Yonadab lako: Melo ke mamma’ko dao patindoammu, muangga’i ma’masaki-saki; na iake saei ambe’mu unto’longiko la mukua lako: Suapi tu adingku Tamar sae dio mai umpakandena’ sia napasakkaranna’ kande dio oloku, angku tiroi sia anna pasuakna’.

2 SAMUEL 15:16

Tassu’mi tu datu sola mintu’ to lan tongkonan layukna anna lumingka, apa napatorro datu tu gundi’na sangpulo la ungkampai tongkonan layuk.

2 SAMUEL 16:20

Ma’kadami Absalom lako Ahitofel, nakua: Pada la umpatassu’mokomi pa’timbangammi tu apa sipatu la tapogau’.

2 SAMUEL 17:7

Nakuami Husai lako Absalom: Iatu kada napokada Ahitofel, te pissanna te tae’ namelo.

2 SAMUEL 2:7

Totemo pamatoto’komi kalemi sia pa’pekitananni tu kapiamuaneammi, moi anna matemo tu Saul, puangmi; ondongpi mangkamo’ natokko rapu Yehuda la undatui.

2 SAMUEL 20:3

Iatonna rampomo Daud tama tongkonan layukna dio Yerusalem, naalami datu tu baine sangpulo, iamotu gundi’na, tu nasua torro ungkampai tongkonan layuk, anna popa’kampai. Anna karitutui, apa tang nalombanmo datu. Torro misa bangmi tu tau iato susito baine balu sae lako matena.

1 DATU 11:25

Iamo ualinna to Israel angge tuona Salomo; senga’pi to tu kakadakean napogau’ Hadad. Iatu Rezon ungkagi’gi’ to Israel sia iamo datu dio Aram.

1 DATU 2:17

Ma’kadami nakua: Pokadanni datu Salomo – belanna tae’ anna tang umpasiolai tu palakummi – anna benna’ tu Abisag, to Sunem, kupobainei.

1 DATU 2:22

Mebalimi tu datu Salomo lako indo’na, nakua: Ma’apai anna Abisag manna, to Sunem, mipalakuan Adonia? Palakuan tarru’i te kadatuan, belanna kakangku, sia la ia la to minaa Abyatar la Yoab, anakna Zeruya.

SURA’ KATOMINAAN 18:8

Da musangampa’ sola tu baine napobaine ambe’mu; belanna ungkillangko kasirisanna ambe’mu.

SURA’ KATOMINAAN 20:11

Iake denni misa’ tau sangampa’ bainena ambe’na, iamo ungkillang kasirisanna ambe’na, manassa la dipatei sola duai, anna passan kalenai tu rarana.

ZAKHARIA 8:13

Susitu mangkakomi dadi kada tampak ropu dio lu mintu’ bangsa, e to Yehuda sia to Israel, la susi dukakomito la dadi pa’passakke, belanna Kukamaseangkomi kasalamaran; da mimataku’, pamatoto’i tu limammi.

1 KORINTUS 5:1

Lele bangmo karebanna, kumua den gau’ sala lan kombongammi, ontongpi na iatu gau’ sala susito tae’pa ditiro, moi dio lu to kapere’, kumua denmo tau umpobaine bainena ambe’na.

1 SAMUEL 13:4

Narangimi mintu’ to Israel tu kareba iato anna ma’kada, nakua: Natalomo Saul tu surodadu pa’kampana to Filistin; iamo napobannang anna kadake lele tu to Israel lako to Filistin. Undinnato sirampunmi tu to buda unturu’ Saul lako Gilgal.

1 SAMUEL 27:12

Nakatappa’imi Akhis tu Daud anna ma’tangnga’, nakua: Umpakadake lelemo kalena dio lu bangsana, dio lu to Israel, iamoto la tontong kupotau sae lakona.