2 SAMUEL 16:12 - Sura' Madatu

¹² Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

2 SAMUEL 16:12 ပူးပေါင်းရင်းမြစ်များ

2 SAMUEL 16:13

Susito tarru’ bangmi tu Daud sola mintu’ taunna, na iatu Simei male urrundunan mennaa’na tanete tu nasipatuan lian, natampakki lolanan ropu sia nabatui sia nasambo’i barra’-barra’.

2 DATU 19:4

Lala sia manii Naperangii PUANG Kapenombammi, tu mintu’ kadanna kamandang lompo, tu nasua puangna, datu Asyur umparampoangki’, kumua anna be’sei tu Puang Matua matontongan, anna ukkungi Puang tu belanna kada iato Narangimo PUANG, Kapenombammi; melo ke mipassambayanganni tu to torrona siapa, tu denna siapa.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

PA’PUDIAN 109:28

Moi anna ma’tampakki ropu tu tau iato mai, apa iatu Kamu ma’passakke, moi anna untendeng kalena-inang la kasirisan, apa melo ke sende paimanni te aku taumMi.

PA’PUDIAN 132:1

Nanian Hamaa’lot. O PUANG, kilalai tu Daud, sia mintu’ kamara’tasanna;

PA’PUDIAN 25:18

Tiromi tu kamaparrisangku sia kamapa’dirangku, sia pa’deimi tu mintu’ kasalangku.

SARAMBU PEADA’ 25:22

Belanna ke mupogau’i susito, mupabumbunni ruaya tu ulunna, anna PUANG la umpakkanni lako kalemu.

SARAMBU PEADA’ 26:2

Susito dena’ mettia’ lu lako lu dio mai sia susi kaluppini’ male bang mettia’, susi dukato tu tampak ropu dipokada punala bang, tang la umbasa tau.

YESAYA 27:7

Napata’pairaka lima tu tau iato mai susitu to mangka umpata’pai lima? Ba’tu dipongkoraka tu tau susi kadipongkoanna to dipongko dio lu ualinna?

YOËL 2:14

Mindara unnissanni, den sia manii upa’ anNa sule sia menassan sia untampe pa’kamasean dio boko’Na, la dipokande dipemalaran sia pemala’ pantedok lako PUANG, Kapenombammi.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

PA’TOLE 23:5

Sangadinna iatu PUANG, Kapenombammu, tae’ Namorai umperangii Bileam sia iatu PUANG, Kapenombammu, umpopembali pa’passakkei tu tampak ropu, belanna iatu PUANG, Kapenombammu, ungkamaseiko.

PA’TOLE 23:6

Tempon tuomu da mudakaran lenni kamarampasan sia kameloan tu tau iato mai.

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

IBRANI 12:10

Belanna tonganna kumua naada’miki’ lan sangattu’, umba tu nasanganna melo; apa Puang unnada’ki la tapomelona, anta appa’ kamaseroanNa.

1 SAMUEL 1:11

Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.