2 SAMUEL 16:11 - Sura' Madatu

¹¹ Sia nakuapa Daud lako Abisai sia lako mintu’ taunna: Akkenna anakku kalena, tu sun dikaleku la ungka’tu sunga’ku, apa pole’pa tu to Benyamin iate. Da’ito natampakkina’ ropu, ke susii kadanNa PUANG lako kalena to.

2 SAMUEL 16:11 ပူးပေါင်းရင်းမြစ်များ

KADADIAN 15:4

Ta’kala saemi tu kadanNa PUANG lako kalena Nakua: Tangia tau iato la umpomana’ barang apammu, sangadinna misa’ to sun dilassakmu tu la umpomana’ barang apammu!

KADADIAN 45:5

Apa totemo da mimasussa ba’tu tilalak tu ara’mi, tu mangkamo’ mibaluk sae indete, belanna Nasuana’ Puang Matua dolo la umpatuokomi.

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

2 SAMUEL 7:2

Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

2 DATU 19:37

Den pissan tonna menomba lan banuanna Nisrokh, tu napodeatanna, napateimi pa’dang anakna, disanga Adramelekh sia Sarezer, anna mallai lussu’ sola duai lako tondok Ararat, anna Esarhadon, anakna, ussondai dadi datu.

2 OSSORANNA DATU 32:21

Nassuami PUANG tu misa’ malaeka’ la ussanggangi tu mintu’ pa’barani, arung sia kamandang dio to’ tendana surodadunna datu to Asyur, naurunganni sule lako tondokna natoding siri’. Iatonna tamamo banuanna deatanna, napateimi pa’dang anak dadianna.

PA’PUDIAN 109:28

Moi anna ma’tampakki ropu tu tau iato mai, apa iatu Kamu ma’passakke, moi anna untendeng kalena-inang la kasirisan, apa melo ke sende paimanni te aku taumMi.

YEHEZKIEL 14:9

Iake denni misa’ nabi dipetobagai la umpokada kada, Kupetobagai tu nabi iato sia la Kue’te tu limangku la unneai sia la Kuurakki lan mai tangngana taungKu, Israel.

YEHEZKIEL 20:25

Iamoto Kubenni tau iato mai tu apa dipondok tang melo sia atoran, tae’ nala umpotuoi.

MATIUS 10:21

To siulu’ la ussorong penaanna siulu’na anna mate dipongko, sia ambe’ la ussorong penaanna anakna. Sia iatu mai pia la umbalibali indo’ ambe’na sia napa’pepatean.

1 SAMUEL 26:19

Totemo la naperangii puangku te kadangku. Iake PUANG umpatudu puangku la umbalina’, melo dirambu pemala’; apa iake tolino, naruamira tampak ropu tu tau iato mai dio oloNa PUANG, belanna naula’imo’ totemo, kuurunganni sikalangkamo mana’Na PUANG, nakuami ma’kada: Malemoko umpenombai deata senga’.