2 SAMUEL 16:10 - Sura' Madatu

¹⁰ Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

2 SAMUEL 16:10 ပူးပေါင်းရင်းမြစ်များ

KADADIAN 50:20

Tonganna kumua midakarammo’ kadake, apa Nadakaran kameloan Puang Matua la umpabu’tui tu susinna te totemo, tu la umpatuo misa’ bangsa kapua.

2 SAMUEL 19:22

Apa nakua Daud: La siapariki’, e anakna Zeruya? Belanna allo iate dadikomi to umbalina’. Ma’apai anna la den misa’ tau dipatei allo iate dio lu to Israel. Belanna inang kuissan, kumua allo iate dadi pole’mo’ datu lako mintu’ to Israel.

2 SAMUEL 19:23

Nakuami datu lako Simei: Tae’ mula dipatei. Umpalaomi sumpa tu datu lako.

2 SAMUEL 3:39

Apa totemo malamma’ siapa’ akute, moi angku ditokko dadi datu; tau iato, iamotu anakna Zeruya, mandu masa’ga’ na aku. Na PUANGmora umpakkanni tu to kadake sitinaya kakadakeanna.

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

1 DATU 2:5

Muissan dukai tu apa nagauranna’ Yoab, anakna Zeruya, iamotu apa nagauran da’dua pangulu rari to Israel, diona Abner, anakna Ner na Amasa, anakna Yeter, tu umba napakuanni umpatei sia napatibollo tu rarana susito lan tananan ra’, moi anna attu kasitaman, natombangmi rara iato tu salipi’na lan aakna sia sepatunna lan lentekna.

2 DATU 18:25

Iamoto tang pangeloranNaraka PUANG, angku sae ullaoi te kota iate sia ussanggangi? PUANGmo tu mangka ma’kada lako kaleku Nakua: Malemoko ullaoi te tondok iate sia ussanggangi.

AYUB 9:12

Iake Nasintakki tu mai apa, mindara umpadapai? Mindara tu ma’kada lako Kalena nakua: Apara tu mipogau’?

PA’PUDIAN 39:9

Rampananna’ dio mai mintu’ salaku, sia da Mipatulangdanna’ napotombonan dollok to baga.

TOMANGADA’ 8:4

Belanna patalo tu kadanna datu sia mindara ma’din ma’kada lako kalena. Kumua: Matumbari tu penggaurammi?

BATING 3:37

Mindara tu ma’kada manna nakombongmo? Ke tae’i anNa Puang umpasanni?

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

MATIUS 16:23

Apa memboko’ tu Yesu, anNa kua lako Petrus: Pallaiko lako boko’Ku, e deata bulituk! Ikomo misa’ tu la untumangNa’, belanna tangia diona Puang Matua muinaa-naa, sangadinna diona tolino.

MATIUS 8:29

Melalla-lallami sola duai nakua: La siaparaki’, e AnakNa Puang Matua? Iaraka Misae te, la saeKomi umpakario-riokanni dolo namane attunna?

YOHANES 18:11

Nakuami Yesu ungkuanni tu Petrus: Pasibanuai tu la’bo’mu. Ma’apai angKu tang la unniru’i tu lanna irusan NatadoanNa’ Ambe’?

ROMA 9:20

Apa aku pissan mekutanana’: E tolino, mindako la umbali Puang Matua? Ma’dinraka tu apa ditampa la ma’kada lako to untampai kumua: Ma’apari ammu tampa susira’ te?

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.

1 SAMUEL 26:19

Totemo la naperangii puangku te kadangku. Iake PUANG umpatudu puangku la umbalina’, melo dirambu pemala’; apa iake tolino, naruamira tampak ropu tu tau iato mai dio oloNa PUANG, belanna naula’imo’ totemo, kuurunganni sikalangkamo mana’Na PUANG, nakuami ma’kada: Malemoko umpenombai deata senga’.