2 SAMUEL 16:1 - Sura' Madatu

¹ Iatonna solo’mo sidi’ tu Daud dao mai botto tanete, sitammumi Ziba, taunna Mefiboset, sibaa da’dua keledai dilapikki sia unteke’ roti duaratu’ sia deppa bua anggoro’ dirangkei saratu’ sia bua ara saratu’ sia anggoro’ sangkiriba’.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Kendekmi tu Daud unnola mennaa’na buntu Saitun tumangi’ lolanan, sia mellullung sia lumingka tang ma’lapik lentek; sia mintu’ tu tau nasolan mellullung sia tuka’ situang tangi’na.

2 SAMUEL 15:32

Iatonna rampomo Daud langngan botto tanete, tu inan nanii tau biasa menomba langngan Puang Matua, sitammumi Husai, to Arki, tu ma’bayu lamba’ serek-serek sia ponno barra’-barra’ tu ulunna.

2 SAMUEL 19:17

Sia den duka sangsa’bu tau dio mai Benyamin nasolan, sia Ziba, taunna bati’na Saul sola mintu’ anakna muane sangpulo lima sia kaunanna duangpulo; anna rampo lako Yordan sambali’na lu datu.

2 SAMUEL 19:32

Iatu Barzilai tarru’ matuamo, iamo misa’ tau tu karuamo pulona taunna dadinna, ungkaritutui datu tonna torro tu datu dio Mahanaim, belanna iamo misa’ to sugi’ lallang.

1 OSSORANNA DATU 12:40

Sia mintu’ tu to nasikandappiran tiku lao sae lako Isakhar, Zebulon na Naftali umbaa kande nateke’ dao keledai, unta, bagala’ na sapi, iamotu kande ta’pung digaragai, deppa bua ara dirangkei na deppa bua anggoro’ dirangkei, uai anggoro’ na minna’ sapi na domba sola bembe’ lendu’ budanna, belanna kaparannuanna mintu’ to Israel.

SARAMBU PEADA’ 18:16

Iatu pamengan napa’bengan tau umpakalua’ lalanna sia umpopennoloi dio olona to kapua.

YEREMIA 40:10

Na iatu aku, manassa la torrona’ dio Mizpa, susito maraa dio tingayona to Kasdim, tu sae lako kaleta; apa iate kamu, mebua anggoro’komi sia mebua-buakomi sia urrampunkomi minna’ sia patamai pa’paniammi, ammi torro lan lu mintu’ kotami, tu la minii tontong torro.

YEREMIA 40:12

sulemi tu mintu’ to Yehuda dio mai mintu’ tondok, tu dinii umpatisambo’i male, tama tondok Yehuda lako Gedalya dio Mizpa; urrampunmi tarru’ buda uai anggoro’ sia bua-bua tau iato mai.

AMOS 8:1

Susite tu apa napatiroanna’ Puangta PUANG: Tiroi, den misa’ baka ponno bua matasak.

MIKHA 7:1

Upu’ alloku, belanna iatu a’gangku susi ke attu pangalan bua, sia susi ke attu ungkatote bua anggoro’; moi sanglise’ bua anggoro’ tae’mo la dikande, ba’tu moi sanglise’ bua ara tae’ dukamo, tu kukaduangi.

1 SAMUEL 10:3

Iammi lendu’imito, la rampokomi lako to’ kayu tarpin dio Tabor, ammu sitammu muane tallu inde to dio, tu ma’palulangngan Betel la menomba lako Puang Matua, misa’ umbaa bembe’ bitti’ tallu, misa’ umbaa roti tallu na misa’ umbaa kariba’ nanii uai anggoro’.

1 SAMUEL 16:20

Naalami Isai tu keledai misa’ napatteke’i roti sia misa’ kiriba’ anggoro’ sia bembe’ laki mangura misa’ napa’peanni Saul nabaa Daud, anakna.

1 SAMUEL 25:18

Madomi’mi naala Abigail tu roti duaratu’ batunna sia da’dua kiriba’ anggoro’ sia lima domba mangka ditunu sia passara’buk limang se’a sia deppa bua anggoro’ dirangkei saratu’ sia bua ara duaratu’ lemunna, mintu’nato dipalangngan keledai,