2 SAMUEL 15:30 - Sura' Madatu

³⁰ Kendekmi tu Daud unnola mennaa’na buntu Saitun tumangi’ lolanan, sia mellullung sia lumingka tang ma’lapik lentek; sia mintu’ tu tau nasolan mellullung sia tuka’ situang tangi’na.

2 SAMUEL 15:30 ပူးပေါင်းရင်းမြစ်များ

2 SAMUEL 15:29

Nabaami Zadok sia Abyatar sule tu pattinNa Puang Matua lako Yerusalem, anna torro dio.

2 SAMUEL 19:4

Umbungku’mi ulunna tu datu sia unnangle-angle, nakua: O anakku Absalom, Absalom, Absalom, anakku, anakku!

2 SAMUEL 19:5

Ta’kala saemi tu Yoab mennolo lako datu lan banua, anna ma’kada nakua: Mipakasiri’ tu mintu’ surodadummi tu untoe sunga’mi sia sunga’na mintu’ anakmi muane sia anakmi baine sia sunga’na mintu’ bainemi sia gundi’mi,

ESTER 6:12

Mangkato sulemi tu Mordekhai lako babangan datu, apa iatu Haman madoi’ sule lako banuanna, malallang ara’na sia mellullung.

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

PA’PUDIAN 43:5

Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!

YEHEZKIEL 24:17

Pela’-pela’ko sumarro; da muma’pote dibolong; pamanda’ bangi tu passapummu, sia ma’sepatuko, da mutampun puduk daoanmu sia da mukandei tu roti nabangko tau.

YEHEZKIEL 24:23

sia la ma’passapukomi sia ma’sepatu. Sia tae’ mila umbating sia tumangi’, sangadinna la bonnongkomi natumang kakadakeammi sia pada la sumarrokomi lako solami.

ZAKHARIA 14:4

Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

MATIUS 5:4

Maupa’ tu mintu’ to masussa, belanna tau iato la dipakatana.

LUKAS 19:29

Iatonna reke’mi tu Betfage sia Betania dio buntu disanga Zaitun, Nasuami tu anak gurunNa da’dua,

LUKAS 19:37

Iatonna rampomo lako aa’ buntu Zaitun, randukmi parannu-rannu penaanna tu mintu’ anak gurunNa sia unnarak-arrak umpudi-pudi Puang Matua, belanna mintu’ kamatotoran mangka natiro,

LUKAS 19:41

Pakalan tonna mandappi’mo Natiromi tu tondok iato, Natangi’imi,

LUKAS 21:37

Iake allona mangada’imi tu Yesu lan Banua Kabusungan, apa iake bonginna sun Nama’bongi dao tanete, disanga buntu Zaitun.

LUKAS 22:39

Sunmi Namale lako buntu Zaitun, susitu biasanna, nasangundian tu anak gurunNa urrundu’I.

PENGGAURANNA RASULU’ 1:12

Tonna mangkato sulemi tu mai rasulu’ lako Yerusalem dio mai tu buntu disanga Zaitun, sikandappi’ bangsia Yerusalem pada kalingkan ma’din dilingkai lan allo katorroan.

ROMA 12:15

Pada parannukomi to parannu; sia pada tumangi’komi to tumangi’.

1 KORINTUS 12:26

Iake misa’ lesoan kale mapa’di’, mintu’i ussa’dinganni, sia iake misa’ lesoan kale dipakala’bi’, mintu’i pada-pada parannu.