2 SAMUEL 15:25 - Sura' Madatu

²⁵ Nakuami datu lako Zadok: Baai tama kota sule tu pattinNa Puang Matua Iake Nakaturu-turui siana’ PUANG, manassa Napasule siana’ sia Napatiroi pole’na’ tu pattinNa sia kao’koranNa.

2 SAMUEL 15:25 ပူးပေါင်းရင်းမြစ်များ

2 SAMUEL 6:17

Iatonna baami tau tama tu pattinNa PUANG, napadiomi inanna lan tenda tu napabendananni Daud, napemalaranni Daud tu pemala’ ditunu pu’pu’ sia pemala’ kasalamaran dio oloNa PUANG.

2 SAMUEL 7:2

Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

PA’PUDIAN 122:1

Nanian Hamaa’lot’. Pa’pudianna Daud. Sende tu batu ba’tangku, tonna kuanna’ tau kumua: Maiko talao lako banuanNa PUANG.

PA’PUDIAN 122:9

Sia bannang dio banuanNa PUANG, Kapenombanta, angku dakarangko kameloan.

PA’PUDIAN 26:8

O PUANG, kukamali’ tu inan banuamMi, sia inan nanii kamala’biramMi.

PA’PUDIAN 84:10

O Puang Matua, balulang toto’ki, tiroi sia mantai tu rupanna to ditokkoMi.

KATASSURAN 15:13

Belanna kamaturu-turuamMi Misolanni te bangsa iate, tu Milendokan; Sia tete dio kamatotoramMi amMi paela’ mana’pai lako inan maindanMi.

KATASSURAN 33:12

Ma’kadami Musa lako PUANG nakua: Tonganna Mikua lako kaleku: Solanni te bangsa iate, anna tae’ Mipokadanna’ minda tu la Misua ussolanna’ moi mangkamo Mikua: Kutandai tonganko sia Kukaturu-turuiko.

KATASSURAN 33:13

Iake Mikaturu-turuina’, paissannina’ tu lalanMi kuurungan untandaiKomi, ianna susito kuissan tonganmo, kumua Mikaturu-turuina’. Melo Mikilalai, kumua iate bangsa iate taumMi.

YESAYA 38:22

Iatu Hizkia mangkamo ma’kada, nakua: Apara la dadi tandana, kumua la kendekna’ langngan banuanNa PUANG?

YEREMIA 25:30

La ma’nubua’ko umpokadanni tau iato mai te mintu’ kada iate, kumua la sumadang tu PUANG dao mai masuanggana sia la umpemandui gamaranNa dao mai isungan maindanNa; la sumadang-madang unggarrakki tu pangleonNa; la unnarrakki mintu’ tu untongkonni kuli’na padang, susi arrakna to manglullu’ bua angoro’.

YEREMIA 7:4

Da mipatonganni tu kada pa’pakena, tu nakua: Iamote tu banuanNa PUANG, banuanNa PUANG, banuanNa PUANG!