2 SAMUEL 15:2 - Sura' Madatu

² Melambi’oi maleoi tu Absalom nabendan dio biring lalan lu lako babangan. Mintu’ tu to la lao umbaa kara-karana lako olona datu, kumua anna dipaolai salunna, natambai Absalom anna ma’kada nakua: Umbara munii sae? Iake nakuai: Iate kaunammi lu dio mai suku iato ba’tu suku iato lan Israel,

2 SAMUEL 15:2 ပူးပေါင်းရင်းမြစ်များ

KADADIAN 34:20

Saemi tu Hemor sola Sikhem, anakna lako babangan kota, anna sipa’kada pa’tondokan sola duai, nakua:

2 SAMUEL 19:8

Ke’de’mi tu datu anna male unnisung tama babangan kota. Napokadami tau lako surodadu, nakua: Malemo tu datu unnisung tama babangan. Saemi tu mintu’ surodadu mennolo lako datu. Apa iatu to Israel pantan mallai lako tendana.

2 OSSORANNA DATU 10:7

Ma’kadami tu tau iato mai lako, nakua: Iake mikasokanni te mai to buda, ammi pasiolai tu pa’poraianna sia ma’kada melokomi lako, manassa la dadi taummi tontong sae lakona tu tau iato mai.

AYUB 24:14

Iake la berre’i allo ke’de’mi tu to papatean sia napatei tu to makario-rio sia mase-mase, sia iake bongi susi bang misa’ to boko.

KATASSURAN 18:14

Iatonna tiroi matusanna Musa tu penggauranna lako bangsa iato ma’kadami nakua: Umbara susite penggaurammu lako to buda! Ma’apari mumisa-misa unno’ko’, anna bendan nasang tu tau iato mai dio olomu randuk dio mai melambi’ sae lako makaroen?

KATASSURAN 18:16

Iake denni kara-karana tu tau iato mai, nasae lako kaleku, kumua angku paolai salunna tu kara-karana sola solana; sia angku pokadanni tu mintu’ aluk Napondok Puang Matua sia Sukaran alukNa.

KATASSURAN 18:26

Anna tontong tu tau iato mai umpaolai salunna tu kara-kara to buda; na iatu mintu’ kara-kara kapua dipennoloan lako Musa, apa mintu’ kara-kara bitti’ nara’ta’ kalenamo tau iato mai.

SARAMBU PEADA’ 4:16

Belanna tae’ namamma’ tu tau iato mai, ke tae’pi napogau’ kadakena; sia tae’ natikkaru’du’ ke tae’pi nasongkan tau misa’.

DANIEL 11:21

Sia la bendan misa’ to matuna ussondai, tu tae’ naia dipamanassa la dinii ussorong kapayungan lako kalena; tae’ nadikapang nasae sia la urrampai tu kadatuan tete dio pa’pakena.

MATIUS 27:1

Iatonna masiangmo, nakombongammi mintu’ pangulu to minaa sia pekaamberan pa’tondokan tu diona Yesu, kumua anNa dipatei.

PA’TOLE 17:8

Iake den misa’ kara-kara mandu masang, la mura’ta’, diona kaindanan rara, sia kasikara-karan ba’tu to dikambei – napobannangi ma’kara-kara tu tau lan kotamu – manassa la ke’de’ko lako inan, tu la Napilei PUANG, Kapenombammu.

RUT 4:1

Attu iato malemi tu Boas lako babangan, anna unno’ko’ dio. Siappa’ attu iato lendu’mi tu to mangla’bak tu napokada Boas. Ma’kadami nakua: E sangmane, lempangko mai sattu’ ammu unno’ko’ inde te. Lempangmi anna unno’ko’ dio.