2 SAMUEL 15:19 - Sura' Madatu

¹⁹ Ma’kadami datu lako Itai, to Gat: Ma’apari muundi dukara unnula’kanni? Sulemoko ammu torro sola datu, belanna to saeko, sia to diula’i lan mai tondokmu.

2 SAMUEL 15:19 ပူးပေါင်းရင်းမြစ်များ

2 SAMUEL 15:20

Mane sangmai’ ammu sae, ma’apai angku la ussolangko te allo iate male sola salamba salao. Manassa la malena’ lako umba-umba tu ma’din kunii male. Apa iatu iko la suleko musolanni tu mintu’ siulu’mu. Nakamasokanammora sia kamarurusan urrondongko.

2 SAMUEL 18:2

Mangkato napatallung torroanmi Daud tu mintu’ surodadu, sangtorroan napangului Yoab, sangtorroan napangului Abisai, anakna Zeruya, siulu’na Yoab, na sangtorroan napangului Itai, to Gat. Anna ma’kada tu datu lako mintu’ surodadu, nakua: Manassa la tassu’ dukana’ ussisolangkomi sola nasang.

RUT 1:15

Ma’kadami tu Naomi nakua: Tiromi iatu sanglalanmu sulemo lako bangsana sia lako deatanna; sulemoko unturu’i tu sanglalanmu.