2 SAMUEL 15:10 - Sura' Madatu

¹⁰ Iatu Absalom mangkamo ussua ba’tu pira-pira mata-mata lan mintu’ suku Israel, nakua: Iake mirangimi tu oni napiri tanduk, attu iato la rambankomi metamba, mikua: Absalommo dadi datu dio Hebron!

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

2 SAMUEL 14:30

Iamoto anna ma’kada Absalom lako mintu’ taunna, nakua: Iatu bela’na Yoab siamping bela’ku sia nanii dalle sisikan dio. Malekomi ammi ballai. Naballami taunna Absalom tu bela’ iato.

2 SAMUEL 15:9

Nakuami datu lako: Male marampa’moko. Ke’de’mi tu Absalom anna male lako Hebron.

2 SAMUEL 19:10

Iatu Absalom, tu tatokko dadi datunta matemo lan kapararian. Totemo ma’apari ammi torropa tang untarimai sule tu datu.

2 SAMUEL 2:1

Mangkato mekutanami tu Daud lako PUANG, nakua: Ma’dinra’ka ke’de’ inde te lako sala umbanna tondok Yehuda? Mebalimi PUANG lako, Nakua: Ke’de’moko. Nakuami Daud: Tondok umbara tu sipatu la kunii male? Nakuami PUANG: Lako Hebron.

2 SAMUEL 2:11

Iatu mintu’ attu kama’parentanna Daud dio Hebron undatui suku Yehuda pitung taun annan bulanna.

2 SAMUEL 5:5

Dio Hebron nanii pitungtaun annan bulanna undatui to Yehuda na dio Yerusalem tallungpulo ntallu taunna undatui mintu’ to Israel sia to Yehuda.

1 DATU 1:11

Attu iato ma’kadami tu Natan lako Batsyeba, indo’na Salomo, nakua: Tae’raka mirangi kumua iatu Adonia, anakna Hagit, dadi datu, natae’ naissanni puangta Daud?

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

2 DATU 9:13

Madomi’mi pantan unnala sambu’na, naampa’imi tu lentekna dio to’ eran, napannonii tu napiri tanduk, anna metamba nakua: Yehumo tu datu.

1 OSSORANNA DATU 11:3

Iamoto nasae tu mintu’ pekaamberan to Israel mennolo lako datu dio Hebron, anna sibasse Daud dio oloNa PUANG dio Hebron; mangkato natokkomi tu Daud dadi datunna to Israel, susi kadanNa PUANG tu nalopian Samuel.

1 OSSORANNA DATU 12:23

Inde sia tu bilanganna tau lan mintu’ tuntunan, tu sae lako Daud dio Hebron, sakka’ la parari, la umpalelei tu kadatuanna Saul lako kalena, situru’ kadanNa PUANG:

1 OSSORANNA DATU 12:38

Mintu’i te to parari, sae unturu’ atoran kapararian, bulo lollong penaanna lako Hebron, la unnangka’i datu tu Daud, umparenta mintu’ to Israel. Sia mintu’ to Israel torronapa sanginaa la unnangka’i datu tu Daud.