Mebalimi tu Yakub: Da misusi to; iake mikamaseimo’, la mikarangi te pa’kasianku; belanna iate kutirona te rupammi samangku to untiro rupanna Puang Matua apa mikatana siana’.
Mebalimi tu Yehuda nakua: Iatu puang ma’parenta dio ma’kada pissanmo lako kaleki nakua: Tae’ mima’din untiro pole lindoku, sangadinna ke misolanni tu adimmi.
Iamoto namesua tu Absalom untambai Yoab, la nasua male mennolo lako datu, apa manoka tu Yoab sae. Mesua pole’omi untambai tonna ma’penduanna, apa manoka duka sae.
Nasuami datu Salomo tu tau unnalai dio mai to’ inan pemalaran. Malemi tama, anna tukku menomba lako datu Salomo; nakuami Salomo lako: Sulemoko lako banuammu.
Mangkato mesuami tu datu umpopetambai Simei, anna kuanni kumua: Garagangko kalemu misa’ banua dio Yerusalem, ammu nii; da mutassu’ len lan mai la male umba-umba nii.
Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.