2 SAMUEL 14:26 - Sura' Madatu

²⁶ Iake mangkai nagontingi tu beluakna –, ke upu’oi taun, nagontingioi tu beluakna, belanna magasamo nasa’ding iamoto nagontingi – napesuammi untimbangi tu beluakna, siduaratu’ sikele’ magasanna turu’ timbanganna datu.

2 SAMUEL 14:26 ပူးပေါင်းရင်းမြစ်များ

KADADIAN 23:16

Napasituru’mi Abraham tu kadanna Efron, anna timbanganni pada tu napokadanna dio tingayona mintu’ to Het, tu a’pa’ratu’ sikele’ salaka, tu naangga’na to ma’baluk.

2 SAMUEL 18:9

Sitammumi surodadunna Daud tu Absalom; iatu Absalom ussakei bagala’. Ta’kala messurrukmi tu bagala’ diongna lu tangke marepe’na misa’ kayu tarpin, naurunganni mendoyang lan alla’na langi’ na lino, anna mallai tu bagala’ diong.

YESAYA 3:24

La dadi undinna kumua iatu bau bumarran la ussonda bau andelen sia iatu ulang karrak la ussonda siayak, sia iatu ulu pese ussonda beluak diampinni’ sia iatu pakean dibolong la ussonda kassa’ pa’maruasan, sia ca’ pa’durrusan dio kide ussonda kamalannangan.

YEHEZKIEL 44:20

Sia tae’ nala ma’galettung ba’tu ma’rundun, sangadinna la nasakkuru’ tu beluakna.

SURA’ KATOMINAAN 19:36

La mipake tu timbangan tongan sia batu petimbang tongan sia epa tongan sia hin tongan: Akumo tu PUANG, Kapenombammi, tu mangkamo ussolangkomi lan mai tondok Mesir.

1 KORINTUS 11:14

Tae’raka naa’ganna kalena lino umpamanassai lako kalemi, kumua iake denni muane ma’beluak lando napomatuna?