2 SAMUEL 14:25 - Sura' Madatu

²⁵ Lan mintu’ tondok Israel moi misa’ tau tae’ kalelean kameloanna, susi Absalom; randuk diong mai pala’ lette’na sae langngan botto ulunna, tae’ sayuanna.

2 SAMUEL 14:25 ပူးပေါင်းရင်းမြစ်များ

1 DATU 1:6

Tae’ bangpa naada’i ambe’na angge tuona, kumua: Ma’apari ammu ma’gau’ susirato? Sia pissanmito lendu’ ia melona tu pati’na, sia ia undampi’ Absalom.

AYUB 2:7

Pakalan tassu’mi tu deata bulituk dio mai oloNa PUANG, anna pata’pai kele tang dampi-dampian tu Ayub randuk dio mai pala’ lentekna sae langngan botto ulunna.

SARAMBU PEADA’ 31:30

Iatu kamaballoan pa’kaleanna misa’ baine ma’pakena sia iatu kameloan pantarisanna tae’ gai’na, apa misa’ baine ungkataku’ PUANG, iamo sipatu dipudi.

YESAYA 1:6

Tempon diong mai pala’ lentekmi landa’ langngan botto ulummi tae’mo memun, sangadinna bangke sia sisulla’pang-la’pangan sia koyong tang diperru’i sia tang dibimbin sia tang diammakki minna’.

YEHEZKIEL 23:15

ma’tambeke’ sia ma’tali bate’, mendoke’ tu tampakna patomali; mintu’i susi bang to lalong, susito dio mai Babel to Kasdim, iamotu tondok kadadianna.

DANIEL 1:4

Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

MATIUS 23:27

Upu’ allomi, e pandita Sura’ sia to Farisi, to belo puduk! Belanna butungkomi kaburu’ disapu’ kapu’; moi me’lok tu salianna ditiro, apa lanna lu ponno buku to mate sia anggenna maruttakna.

EFESUS 5:27

sia kumua anna Ia kalena umpabendanni tu kombongan dio oloNa sikambi’ kamala’biran tang den kadakena ba’tu tingkurrungna ba’tu senga’na, sangadinna masero tae’ sayuanna.

PA’TOLE 28:35

La Napata’paiko PUANG kele malua’ dio guntu’mu sia dio pupummu, tu tang dampi-dampian – randuk dio mai pala’ lentekmu sae langngan botto ulummu.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.

1 SAMUEL 9:2

Iatu tau iato den misa’ anakna disanga Saul, to malolle’ sia melo pati’na; moi misa’ tau tae’ ussau’ meloi dio lu mintu’ to Israel; angge palempengnari tu malangka’na to buda.