2 SAMUEL 14:22 - Sura' Madatu

²² Menombami tu Yoab tukku rokko padang anna palakuanni kamasakkean tu datu. Ma’kadami tu Yoab nakua: Allo ia duka te kuissan kumua miala masena’, o puangku datu, belanna natarimamo datu tu palakunna taunna.

2 SAMUEL 14:22 ပူးပေါင်းရင်းမြစ်များ

KADADIAN 47:7

Nasolanni Yusuf tu Yakub, ambe’na, anna popangoloi lako Firaun; napassakkemi Yakub tu Firaun.

KADADIAN 6:8

Apa iatu Nuh dikamasei dio mai oloNa PUANG.

2 SAMUEL 14:21

Mangkato ma’kadami datu lako Yoab, nakua: Iate palaku iate kueloran. Malemoko musolanni sule tu Absalom, to mangura iato.

2 SAMUEL 14:23

Ke’de’mi tu Yoab, namale lako Gesur, nasolanni tu Absalom lako Yerusalem.

2 SAMUEL 14:4

Iatonna mennolomo tu baine Tekoa lako datu, tukkumi rokko padang menomba anna ma’kada nakua: O puangku, tunduina’!

2 SAMUEL 19:39

Iatonna mangka nasangmo tu mintu’ tau ullambanni Yordan sia mangka dukamo lamban tu datu, naudungmi datu tu Barzilai sia napalakuan kamarendengan, anna mane sule lako tondokna.

NEHEMIA 11:2

Napudimi bangsa iato tu mintu’ muane, tu tanning inaa ma’tondok lan Yerusalem.

AYUB 29:11

iake narangimi tau tu kadangku, natendengna’ kumua maupa’, iake natirona’ tau, nasa’bu’na’ kumua to melo.

AYUB 31:20

ianna tae’ napassakkena’ aakna sia tae’ napemalassui bulu dombaku tu kalena,

SARAMBU PEADA’ 31:28

Iatu mai anakna muane bendan sia napudi tu kamauparanna, sia ia duka tu muanena untendengi, nakua:

RUT 2:2

Ma’kadami tu Rut, to Moab, lako Naomi nakua: Melo ke malena’ lako bela’ angku ruruk buli dalle sisikan dio boko’na to ungkaturu-turuina’. Ma’kadami tu Naomi lako nakua: Malemoko, e anakku.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.