2 SAMUEL 14:2 - Sura' Madatu

² mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

2 SAMUEL 14:2 ပူးပေါင်းရင်းမြစ်များ

KADADIAN 38:19

Ke’de’mi tu baine iato namale sia nalendokan tu lullungna napakei sule tu pakean balunna.

2 SAMUEL 11:26

Iatonna rangimi bainena Uria tu diona muanena matemo, napassanda bolongammi.

2 SAMUEL 12:20

Millikmi tu Daud diong mai padang, anna mendio’ sia umpake minna’ busarungngu’ sia ussondai pakeanna; mangkato tamami banuanNa PUANG anna menomba; namane sule lako tongkonan layukna, namesua umpasakkaranni kande, anna kumande.

2 SAMUEL 20:16

Attu iato metambami misa’ baine kinaa lan mai kota, nakua: Perangii, perangii! Parampoi te lako Yoab; La mareke’ dio mai, angku sipa’kada.

2 SAMUEL 23:26

na Heles to Palti; na Ira, anakna Ikesh, to Tekoa;

1 DATU 14:2

Nakuami tu Yerobeam lako bainena: Melo ke umbaliliko kalemu ammu ke’de’, da natandaiko tau, kumua bainenako Yerobeam, ammu male lako Silo; dio nanii torro tu nabi Ahia, tu mangka umpokadanna’ kumua la diangka’na’ datu umparentai te bangsa iate.

1 DATU 14:5

Apa Nakua tu PUANG lako Ahia: Manassa la sae tu bainena Yerobeam ungkutanaiko tu diona anakna, belanna masaki tu pia iato. Susite susito la mupokada lako kalena, ke tamai dio mai susito sae umbalili kalena.

2 OSSORANNA DATU 11:6

nabangun tu Betlehem sia Etam sia Tekoa.

2 OSSORANNA DATU 20:20

Iatonna masiang melambi’, ke’de’mi tu tau iato mai lako padang pangallaran Tekoa. Iatonna ke’de’, malemi lako tingayo tu Yosafat sia ma’kada nakua: Perangiina’, e to Yehuda sia to untongkonni Yerusalem, katappa’i tu PUANG, Kapenombammi, ammi dipamanda’, katappa’i tu mai nabinNa, ammi maupa’.

NEHEMIA 3:27

Sia iatu tarru’na male napemeloi to Tekoa tu siumpu’na randuk dio mai sikandappi’ menara kapua tarangso lako salian sae lako rinding tembo’ Ofel.

NEHEMIA 3:5

Dio sa’dena tau iato mai ma’pemeloi tu mintu’ to Tekoa, apa iatu to mala’bi’na tau iato mai noka umpopa’passan palempengna lan pengkaranganna puangna.

PA’PUDIAN 104:15

Sia uai anggoro’ tu umpasende tolino, sia minnak tu umpatibangka’ rupanna, sia bo’bo’ tu umpamalapu’ penaanna tolino.

TOMANGADA’ 9:8

La tontong bang masero tu pakeammu sia da nasalai minna’ busarungngu’ tu ulummu.

YEREMIA 6:1

Mallaikomi, e bati’na Benyamin, lan mai Yerusalem. Pannonii tu napiri tanduk lo’ Tekoa sia tutungi tu bia’ naparrang tu dukkunna dao Bet-Kerem! Belanna daa mai ulunna salu mempaan tu misa’ kakadakean sia kasanggangan kapua.

AMOS 1:1

Inde sia tu kadanna Amos, misa’i tu to umpatuo domba dio mai Tekoa, tu natiro diona to Israel tonna linona Uzia, datu Yehuda sia tonna linona Yerobeam, anakna Yoas, datu Israel, duang taun dolona, namane lino’.

MATIUS 6:17

Apa iatu iko, iammu ma’puasa, boka’i tu ulummu sia dau’i tu lindomu,

RUT 3:3

Iamoto mendio’moko, ammu minna’i pandere’ tu kalemu sia ma’pakeammoko, ammu male rokko to’ panglulluran. Apa da naissan lenko Boaz, ke tae’pi napura kumande sia mangiru’.