2 SAMUEL 14:19 - Sura' Madatu

¹⁹ Nakuami datu: Natamairaka Yoab tu mintu’na te? Mebalimi tu baine iato nakua: Tonganna tuo tu puangku, moi misa’ tau tae’ nakullei sepang lako kairi ba’tu kanan dio mai mintu’ kadanna puangku. Tonganna taummi Yoab ussuana’ sia ullesangan simisa’i taummi tu mintu’ kada iate.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Mebalimi Uria lako Daud nakua: Iatu patti sia mintu’ to Israel sia to Yehuda torro lan lu tenda sia puangku Yoab sia mintu’ surodadunna puangku mamma’ bang dio lu padang; matumbai kula tama banuangku la kumande sia mangiru’ sia mamma’ sola baineku? La lelukraka tuona puangku sia la leluk dukaraka tuona deatanna puangku, la toyang ia dio mai kaleku la umpogau’i tu susinna to!

2 SAMUEL 14:18

Mebalimi datu nakua lako tu baine iato: Totemo da mubuni lako kaleku tu apa kupekutanan lako kalemu. Nakuami tu baine iato: Ma’kadamokomi, o puangku datu.

2 SAMUEL 14:3

La mennoloko lako datu ammu ma’kada susite. – Nalesangan simisa’mi Yoab tu kada lako.

2 SAMUEL 18:13

Iakengku mangkamo umpatei punalai, manassa mintu’ tu apa iato tae’ nakabunian lako datu sia kamu duka la umpasalian kalemi dio mai iannato.

2 SAMUEL 3:27

Iatonna sulemo tu Abner lako Hebron, napasepang senga’mi Yoab dio tangnga babangan tondok la sipa’kada buni, narokki tu tambukna, anna mate, belanna la umpebalaran Asael, adinna.

2 SAMUEL 3:29

Iatu rara iato nata’pa daomora ulunna Yoab sia mintu’ rapunna. Lan banuanna Yoab tang la ka’tu tau nakasunni rara sia golenan sia kupi’ anna ma’tekken sia nakande pa’dang sia karorian.

2 SAMUEL 3:34

Iatu limammu tae’ bangpa nadipungo, sia iatu lentekmu tae’pa nadipumpung rante tambaga. Susitu katobanganna tau napobua’ to bulituk, susi dukamoto tu katobangammu. Attu iato mintu’ tu to buda samandu-mandunna untangi’i.

2 DATU 2:2

Ma’kadami tu Elia lako Elisa nakua: Torromoko inde te, belanna Nasuana’ PUANG male lako Betel. Apa mebali tu Elisa nakua: La lelukraka tuoNa PUANG sia tonganna susi tuomi, inang tae’ kula untampekomi. Malemi tu tau iato mai rokko Betel.

KATASSURAN 4:15

La sipa’kadako, ammu pokadanni te kada iate, Aku la umpamaluteko ma’kada sia umpamalutei sia Aku la umpatudukomi tu apa sipatu la mipogau’.

SARAMBU PEADA’ 25:2

Iamo Napomala’bi Puang Matua tu umbuni apa Napogau’, apa iatu napomala’bi’ datu iamotu umparessa kara-kara.

SARAMBU PEADA’ 4:27

Da musepang lako kanan ba’tu lako kairi, patoyangi tu lette’mu dio mai kadakena.

KADIBILANGAN 20:17

elorangkan ullendu’i tondokmi; tae’ angki la unnola pa’lak sia pa’lak anggoro’ sia tae’ angki la unniru’ uai bubun; la unnola batatta bangkan, tang sumepang kanan, ba’tu kairi sae lako kilendu’ina tu lili’mi.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

PA’TOLE 28:14

sia iake tae’ musepang dio mai mintu’ pepasan, tu kubenko allo iate, lako kanan ba’tu lako kairi, ke unturu’ko kapenomban senga’ sia mupenombai,

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.

YOSUA 1:7

Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

1 SAMUEL 1:26

Ma’kadami Hana nakua: La messimanna’, tuang, kukua: la lelukraka tuomi, nala lelukra kadangku tuang, kumua aku bangsiamote tu to bendan dolona sikandappi’ tuang, massambayang lako PUANG.

1 SAMUEL 17:55

Tonna tiromi Saul tu Daud ma’palulako to Filistin iato, ma’kadami tu datu lako Abner, pa’baraninna, nakua: E! Abner, mindara anak te pia muane iate? Mebalimi Abner: O puang, kumatemora ke la kutandai.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.

1 SAMUEL 25:26

Totemo, o puang, la tilelukraka tuoNa PUANG sia tuona puangku, manassa PUANG undampakomi tobang rokko kasalan umpatibollo rara sia untuntun kalena bang katonganammi. Nasusimora Nabal tu mintu’ ualimmi sia iatu mintu’ to undakarangkomi kadake.