2 SAMUEL 13:4 - Sura' Madatu

⁴ Ma’kadami lako Amnon, nakua: Ma’apai anna melambi’oi samadodong-dodongnako, datu lolo; tae’raka mula umpokadanna’? Mebalimi Amnon lako nakua: Masinnana’ lako Tamar, anak daranna Absalom, siulu’ku.

2 SAMUEL 13:4 ပူးပေါင်းရင်းမြစ်များ

2 SAMUEL 13:3

Apa iatu Amnon den sangmanena misa’, disanga Yonadab, anakna Simea, kakanna Daud; iatu Yonadab misa’ tau tarru’ malute.

2 SAMUEL 13:5

Nakuami Yonadab lako: Melo ke mamma’ko dao patindoammu, muangga’i ma’masaki-saki; na iake saei ambe’mu unto’longiko la mukua lako: Suapi tu adingku Tamar sae dio mai umpakandena’ sia napasakkaranna’ kande dio oloku, angku tiroi sia anna pasuakna’.

1 DATU 21:5

Attu iato saemi tu Izebel bainena lako kalena, anna ma’kada nakua: Ma’apari ammi kumamu’dang bangra sia manoka kumande?

1 DATU 21:7

Ma’kadami tu Izebel bainena lako, nakua: Kamu tu datu umparenta to Israel totemo! Millikkomi ammi kumande, pamatanai tu penaammi; aku la umbenkomi tu pa’lak anggoro’na Nabot, to Yizreel.

YESAYA 3:9

Diona kaumpelindoanna tau titanan sa’bi umpasalai, tang masiri’mo umpokada nasangi tu salana susito Sodom. Upu’ allona tu tau iato mai, belanna untumang kalena.

YEREMIA 8:12

Dipakasiri’ tu tau iato mai, belanna apa megallian tu napogau’, apa tae’ bangmo natandai tu siri’, ondongpi ma’lindo batu bangmo. Iamoto la tipessambak tu tau iato mai dio lu mintu’ to tipessambak; iake dipapakkanni tu tau iato mai, la tisumbang kadanNa PUANG.

SURA’ KATOMINAAN 18:9

Iatu siulu’mu baine dio ambe’mu, ba’tu dio indo’, tu dadi lan banuanna ambe’mu, ba’tu salianna, da musangampa’ sola.

SURA’ KATOMINAAN 20:17

Iake denni tau umpobaine anak daranna, la anak dio ambe’na la anak dio indo’na, anna killang kasirisanna anak daranna – iamo gau’ mesirisan maro’; iamoto anna disabu’i dio pentirona bangsana, belanna ungkillang kasirisanna anak daranna, iamoto anna passan kalenai tu kakadakeanna.

MIKHA 7:3

Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.

LUKAS 12:32

Da mimataku’ e to tang pira, belanna mangkamo Napondok Ambe’mi umbengan ParentaNa lako kalemi.