2 SAMUEL 13:3 - Sura' Madatu

³ Apa iatu Amnon den sangmanena misa’, disanga Yonadab, anakna Simea, kakanna Daud; iatu Yonadab misa’ tau tarru’ malute.

2 SAMUEL 13:3 ပူးပေါင်းရင်းမြစ်များ

KADADIAN 3:1

Iatu ula’ mandu matangngaran na iatu mintu’na olo’-olo’ lan lino, tu mangka Napadadi PUANG Kapenomban. Nakuami tu ula’ lako baine iato: Umbai susite tu kadanNa Puang Matua: Da mikandei buanna tu mintu’ kayu lan te pa’lak!

KADADIAN 38:1

Denmi pissan tonna attu ia dukato, natampei Yehuda tu mintu’ siulu’na, namale rokko, torro ma’tondok sola misa’ to Adulam, disanga Hira.

KADADIAN 38:20

Napa’peami Yehuda tu anak bembe’ laki nabaa sangmuanena to Adulam, nasua ulla’bakki tu pa’petambenna dio mai baine iato, apa tae’ naappa’i.

2 SAMUEL 13:2

Napomasussa Amnon tu kamasinnanna, naurunganni masaki, napobua’ Tamar, adinna, belanna anak darapa, iamoto anna masussa lan timbanganna Amnon la umpa’kadai.

2 SAMUEL 13:32

Mebalimi Yonadab, anakna Simea, kakanna datu, nakua: Da misangai kumua mintu’ tu anakmi mangka dipatei, sangadinna Amnon manna misa-misa tu mate, belanna iatu iannato ma’din ditiro dio lindona Absalom randuk dio mai allo dinii umpalaoi siri’na tu Tamar, adinna.

2 SAMUEL 13:4

Ma’kadami lako Amnon, nakua: Ma’apai anna melambi’oi samadodong-dodongnako, datu lolo; tae’raka mula umpokadanna’? Mebalimi Amnon lako nakua: Masinnana’ lako Tamar, anak daranna Absalom, siulu’ku.

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

2 SAMUEL 21:21

Natapa’ tu to Israel, apa napatei Yonatan, anakna Simea, kakanna Daud.

1 OSSORANNA DATU 2:13

Isai undadian Eliab, pa’bunga’na, Abinadab, tu ma’penduanna, Simea, tu ma’pentallunna,

1 OSSORANNA DATU 27:32

Iatu Yonatan, pa’amberanna Daud, iamo pa’bisara, misa’ to matarru’ sia to umpoissan sura’-sura’; na Yehiel, anakna Hakhmoni, ungkampai anakna muane datu.

ESTER 5:10

Apa napodoran Haman tu kalena, anna tarru’ male lako banuanna, anna tambai tu mintu’ sangmanena sia Zeresh, bainena.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 6:13

Nauleleanmi Haman lako Zeresh, bainena sia lako mintu’ sangmanena tu mintu’ apa dadi lako kalena. Ma’kadami tu mintu’ to paissan-issanna sia Zeresh, bainena, lako nakua: Iake bati’ to Yahudi tu Mordekhai, tu dio tingayona minii randuk talo, manassa tae’mo mibelai la unneai, sangadinna inang la talo tarru’mokomi dio tingayona.

SARAMBU PEADA’ 19:6

Buda tau undaka’ bang kamaturu-turuanna to la’bi’, sia pantan la sisangmane minda-minda umpa’bengan pa’kamasean.

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

1 KORINTUS 3:19

Belanna iatu kakinaanna te lino mendadi pa’popetaa lako Puang Matua. Apa den disura’ nakua: Tangnga’na kalena tu to matangngaran Nanii Puang untingkanni.

YAKOBUS 3:15

Iatu kakinaan iato tae’ nakakinaan lu dao mai sangadinna kakinaan lu dio mai lino, tu umbudanan mentolinona, sia menggaronto’ dio mai pa’poraianna deata bulituk.

TO PARENGNGE’ 14:20

Iatu bainena Simson dibenmo to pasolanna Simson tonna diparampo.

1 SAMUEL 16:11

Sia nakuapa Samuel lako Isai: Ia nasangmorakate tu mintu’ pia muane? Mebalimi nakua: Ia mannamo tu tampakna, marassan ungkambi’i domba. Ma’kadami Samuel lako Isai, nakua: Suai tau untambai, belanna tae’pa tala unno’ko’ ma’talimbungan kumande, ke tae’pi nasae.

1 SAMUEL 16:9

Nasuaomi Isai tu Syama lendu’, apa nakua Samuel: Tangia dukate tu Natonno’ PUANG.