2 SAMUEL 13:29 - Sura' Madatu

²⁹ Napogau’mi taunna Absalom lako Amnon susitu nasuanni Absalom. Ta’kala ke’de’mi tu mintu’ anakna datu, anna mallai, pada ussakei bagala’na.

2 SAMUEL 13:29 ပူးပေါင်းရင်းမြစ်များ

KADADIAN 36:24

Inde sia tu anakna Zibeon: Aya na Ana; iamora tu Ana mangka ungkabu’tui ba’tu pirang mata uai lassu lan padang pangallaran, tonna laai tu mintu’ keledainna Zibeon ambe’na.

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 13:30

Dio bangsia lu lalan tu tau iato mai, narampomo tu kareba lako Daud, nakua: Napatei nasang Absalom tu mintu’ anakna datu; moi misa’ tae’mo torro.

2 SAMUEL 14:6

Den anakku da’dua muane, sipakkami dio lu padang, natae’ misa’ tau sae umpasisarakki, nalonga’mi tu misa’ namate.

2 SAMUEL 18:9

Sitammumi surodadunna Daud tu Absalom; iatu Absalom ussakei bagala’. Ta’kala messurrukmi tu bagala’ diongna lu tangke marepe’na misa’ kayu tarpin, naurunganni mendoyang lan alla’na langi’ na lino, anna mallai tu bagala’ diong.

1 DATU 1:33

Ma’kadami tu datu lako nakua: Solan nasangi tu mintu’ taunna puangmi, anna anakku Salomo messake dao bagala’ku, ammi solanni lako Gihon.

1 DATU 1:38

Malemi tu to minaa Zadok sola nabi Natan na Benaya, anakna Yoyada, sisola to Kreti sia to Pleti, anna popessakei tu Salomo dao bagala’na datu Daud, anna solanni lako Gihon.

SARAMBU PEADA’ 29:12

Misa’ to ma’parenta umperangii bang kada tang tongan – iatu mintu’ to naala parea tang mekaaluk nasang.

SURA’ KATOMINAAN 19:19

La mikaritutui tu aluk Kupondok, da mupasisolai tu patuoammu, ke sisengaranni, da muambo’i banne duang rupa tu pa’lakmu, sia da mupake sampin duang rupa.

MIKHA 7:3

Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.