2 SAMUEL 13:28 - Sura' Madatu

²⁸ Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

2 SAMUEL 13:28 ပူးပေါင်းရင်းမြစ်များ

KADADIAN 9:21

Nairu’mi Nuh tu uai anggoro’ anna malango, mamma’mi tang ma’tamangkale lan tendana.

2 SAMUEL 11:13

Natoratumi Daud, nakumande sia mangiru’ dio olona datu, napemalangoi datu, anna tassu’ tonna bongi mamma’ dio inanna sola mintu’ taunna datu, apa tae’ namengkalao sule lako banuanna.

2 SAMUEL 11:15

Sia nasura’ lan sura’ iato, nakua: La mupadio patu surodadu tu Uria dio to’naninna rari maparrang, ammu sorong boko’ dio mai, anna ruai namate.

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 13:27

Apa nanaran-naran Absalom tu datu, naurunganni naeloran tu Amnon male sola mintu’ anakna datu.

2 SAMUEL 14:6

Den anakku da’dua muane, sipakkami dio lu padang, natae’ misa’ tau sae umpasisarakki, nalonga’mi tu misa’ namate.

1 DATU 20:16

Tassu’mi tu tau iato mai tonna ma’tangnga allo, tonna marassan tu Benhadad unno’ko’ mangiru’ samalangona lan tenda sola tu mai datu, tallungpulo ndua, tu to untundui.

ESTER 1:10

Iatonna allo ma’pempitu, parannumi tu penaanna datu napobua’ anggoro’, anna mesua lako Mehuman, Bizta, Harbona, Bigta, Abagta, Zetar na Karkas, pitui tu to mase’ponna datu, tu umparakai datu Ahasweros,

PA’PUDIAN 104:15

Sia uai anggoro’ tu umpasende tolino, sia minnak tu umpatibangka’ rupanna, sia bo’bo’ tu umpamalapu’ penaanna tolino.

KATASSURAN 1:18

Napopetambaimi datu Mesir tu to ma’pakianak iato, nama’kada lako nakua: Ma’apai mima’gau’ susito, ammi patuoi tu mintu’ pia muane?

TOMANGADA’ 10:19

Napogau’mo tau tu pa’maruasan, anna poparannui penaanna, sia iatu uai anggoro’ umpamarua’ katuoanna tau, sia iatu doi’ umpadenni tu mintu’nato.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.

NAHUM 1:10

Belanna, moi sibintan susi duri, sia malango susito kabiasanna malango –, inang la dimangsanni tarru’ tu tau iato mai susi dalame marangke.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

PENGGAURANNA RASULU’ 5:29

Apa mebali tu Petrus sia iatu mai rasulu’ nakua: Sipatu tau umpalosongi naturu’ tu Puang Matua na iatu tolino.

YOSUA 1:9

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

TO PARENGNGE’ 19:22

Iatonna marassan parannu-rannu kumande, saemi tu pa’tondokan, to bulituk, untalimbung tamai tu banua iato, anna undedek ba’ba sia ma’kada lako to matua, puangna banua, nakua: Patassu’i mai salian tu muane, sae ma’bongi lan banuammi angki sangampa’.

TO PARENGNGE’ 19:6

Unno’ko’mi sola duai anna kumande sia mangiru’. Nama’kada tu ambe’na baine mangura iato lako tinde muane nakua: Melo ke mipasiolapi te ammi torropa ma’bongi anna parannu tu penaammi.

TO PARENGNGE’ 19:9

Ke’de’mi tu tau iato namale sola gundi’na sia taunna, apa ma’kada tu matusanna, ambe’na baine mangura iato lako, nakua: Tiromi tipalempemo allo, torromokomi ma’bongi, tiromi la lambunmo tu allo, torrokomi indete ma’bongi, anna parannu tu penaammi; masiangpa mimillik kale’ ammi ke’de’ sule lako banuammi.

RUT 3:7

Iatonna mangkamo tu Boas kumande sia mangiru’ sia parannumo tu penaanna, malemi umbambangan kalena dio to’ garonto’ patuku. Napela’-pela’mi tu Rut sae, nabungka’i tu parramba’ diong to’ lentekna, anna mamma’ dio.

1 SAMUEL 18:22

Ma’kadami Saul lako tu mai to mase’ponna, nakua: Pokadan bunii Daud, kumua: Nakalo’moko penaanna datu sia mintu’ to mase’ponna umporaiko; melo ke mupasituru’mi tu la napomanintu datu.

1 SAMUEL 28:10

Umpalaomi sumpa tu Saul lako tete dio sanganNa PUANG, nakua: La lelukraka tuoNa PUANG, nala urrampoiko kamasussan belanna apa iate.

1 SAMUEL 28:13

Ma’kadami datu lako, nakua: Da mumataku’. Apa tu mutiro? Ma’kadami tu baine lako Saul, nakua: Kutiro den tu apa susi deata kendek diong mai padang.