2 SAMUEL 13:22 - Sura' Madatu

²² Apa tae’mo napa’kadai Absalom tu Amnon la melona la kadakena, sangadinna nanannan randang Absalom tu Amnon, belanna napalao siri’na tu Tamar, adinna.

2 SAMUEL 13:22 ပူးပေါင်းရင်းမြစ်များ

KADADIAN 24:50

Mangkato mebalimi tu Laban sola Betuel nakua: Iate ianna te, bu’tu dio Ia mai PUANG, tae’ nama’din la kikua lako kalemi kumua melo ba’tu kadake.

KADADIAN 31:24

Apa sae tu Puang Matua lako Laban, to Aram, tonna mabongi lan tindona, Nakua: Kilalai tonganni, da muma’kada lako Yakub la melona la kadakena.

KADADIAN 31:29

Maatang duka sia tu limangku la umpata’paikomi kadake, apa sangmai’ bongi Nama’kada lako kaleku tu Kapenombanna ambe’mu Nakua: Kilalai tonganni, da muma’kada lako Yakub la melona la kadakena.

2 SAMUEL 13:21

Iatonna rangimi datu Daud te mintu’na te, re’dekmi tu ara’na.

SARAMBU PEADA’ 10:18

Minda-minda tu umbuni kamabirisan, iamoto ma’puduk mo’rang, sia minda-minda tu ma’palele beko, iamo misa’ to baga.

SARAMBU PEADA’ 25:9

Pemeloi kalena bangmi tu kara-karamu sola padammu tolino, apa iatu rasia to senga’ da mupasomboi,

SARAMBU PEADA’ 26:24

Minda-minda tu untambuk essun, belo puduk punala bang, apa untannun pa’pakkena lan ba’tengna.

SARAMBU PEADA’ 26:26

Moi anna membuni tu kamagi’giran tete dio pa’pakena, iatu kadakena sombo lan kasirampunan.

TOMANGADA’ 7:9

Da mumadomi’ umpatiludakki tu ara’mu, belanna iatu ara’na to baga, iamo inan saki inaa.

MATIUS 18:15

Iake kasalanni tu siulu’mu lako kalemu, laoko umpakilalai podo iko simisa-misanan; iake natarimai tu pa’pakilalammu, sikadulu’ omoko sule to tu siulu’mu.

EFESUS 4:26

Iake sengkekomi, da anna pabu’tu kasalan; da ammi nanna kasengkeammi sae lako lambunna allo.

EFESUS 4:31

Toyanganni dio mai kalemi tu mintu’ kamapallan, sia kamasakiarasan sia kasengkean sia salle kada sia kapa’palelebekoan sisola mintu’ kakadakean.

1 YOHANES 2:11

Apa iatu to ungkabiri’ siulu’na, iamo lan malillinna, sia lolang lan malillinna sia tae’ natandai tu napatunna, belanna napabutamo malillinna tu matanna.

1 YOHANES 2:9

Minda-minda tu ussanga kalena lan masiangna, apa ungkabiri’ siulu’na, iamo tontong lan malillinna sae lako totemo.

1 YOHANES 3:10

Dionamora te naniimo sombo umbanna tu anakNa Puang Matua na umbanna tu anakna deata bulituk; minda-minda tang umpogau’ kamalamburan, tae’ nalu dio mai Puang Matua, susi dukato tu to tang umpakaboro’ siulu’na.

1 YOHANES 3:12

Tae’ nasusi Kain, tu lu dio mai deata bulituk, umpongko siulu’na. Apa bannangna anna pongkoi? Belanna mintu’ penggauranna kadake, apa penggauranna siulu’na malambu’ ia.

1 YOHANES 3:15

Minda-minda ungkabiri’ siulu’na, iamoto papatean, sia miissan kumua iatu to papatean, tae’ katuoan tontong sae lakona dio kalena.